سۋديا ەرنار قاسىمبەكوۆ ايىپتالعان 13 بەلسەندىگە تومەندەگىدەي جازا تاعايىنداعان:
-
اباي بەگىمبەتوۆ – 5 جىل بوستاندىعىنان ايىرۋ، 5 جىلعا قوعامدىق ساياسي جۇمىسپەن اينالىسۋىنا تىيىم سالۋ (405-باپ 1،2-تارماعى بويىنشا ايىپتالعان)؛
-
اسحات جەكسەبايەۆ – 5 جىل بوستاندىعىنان ايىرۋ، 5 جىلعا قوعامدىق ساياسي جۇمىسپەن اينالىسۋىنا تىيىم سالۋ (405-باپ 1،2-تارماعى بويىنشا ايىپتالعان)؛
-
قايرات قىلىشيەۆ – 5 جىل بوستاندىعىنان ايىرۋ، 5 جىلعا قوعامدىق ساياسي جۇمىسپەن اينالىسۋىنا تىيىم سالۋ (405-باپ 1،2-تارماعى بويىنشا ايىپتالعان)؛
-
نويان راقىمجانوۆ – 5 جىل بوستاندىعىنان ايىرۋ، 5 جىلعا قوعامدىق ساياسي جۇمىسپەن اينالىسۋىنا تىيىم سالۋ (405-باپ 1،2-تارماعى بويىنشا ايىپتالعان).
باسىلىم سۋديا بۇل تورتەۋى جازاسىن قاۋىپسىزدىگى ورتاشا تۇزەۋ مەكەمەسىندە وتەيتىمىن مالىمدەگەنىن حابارلادى.
سوت 405-باپتىڭ 2-تارماعى بويىنشا ايىپتالعان توعىز ادامعا تومەندەگىدەي جازا تاعايىنداعان:
-
دامەتكەن اسپاندياروۆا – 2 جىلعا بوستاندىعىن شەكتەۋ؛
-
باقداۋلەت الىبەكوۆ – 1 جىل بوستاندىعىن شەكتەۋ؛
-
ديانا بايماعامبەتوۆا – 2 جىلعا بوستاندىعىن شەكتەۋ؛
-
گۇلزيپا جاۋكەروۆا – 1 جىل بوستاندىعىن شەكتەۋ؛
-
نيناگۇل جۇمانيازوۆا – 1 جىل بوستاندىعىن شەكتەۋ؛
-
ەرمەك قوزييەۆ – 1 جىلعا بوستاندىعىن شەكتەۋ؛
-
مارات قۇربانوۆ – 1 جىلعا بوستاندىعىن شەكتەۋ؛
-
بولات سماعۇلوۆ – 1 جىلعا بوستاندىعىن شەكتەۋ؛
-
دارحان ۋالييەۆ – 1 جىلعا بوستاندىعىن شەكتەۋ.
2020 جىلعى جەلتوقسان ايىنان بەرى الماتىنىڭ تەرگەۋ اباقتىسىندا وتىرعان اباي بەگىمبەتوۆ، اسحات جەكسەبايەۆ، قايرات قىلىشيەۆ، نويان راقىمجانوۆتىڭ قاماۋداعى ءار كۇنى ءبىر جارىم كۇن دەپ ەسەپتەلىنەدى دەپ حابارلادى سۋديا. ديانا بايماعامبەتوۆانى قاماۋدان بوساتىپ، وعان شارتتى جازا ءتارتىبىن ءتۇسىندىردى. سوت دامەتكەن اسپاندياروۆانىڭ وسى كەزگە دەيىن ءۇيقاماقتا بولعانىن ەسەپكە الىپ، ول جازاسىن وتەگەن بولىپ ەسەپتەلىندى. اسپاندياروۆا 2020 جىلعى 23 قىركۇيەكتە ۇستالىپ، سوت شەشىمىمەن ءۇيقاماقتا بولعان.
بۇگىن شىققان ۇكىممەن كەلىسپەيتىنىن مالىمدەگەن ايىپتالۋشىلار مەن ولاردىڭ ادۆوكاتتارى اپەللياسياعا شاعىم بەرەتىنىن ايتتى.
پىكىر قالدىرۋ