اباي اۋدانىندا كوپقاباتتى ۇيلەردە مۇلىك يەلەرىنىڭ بىرلەستىگىن جانە جاي سەرىكتەستىك قۇرۋدىڭ تيىمدىلىگىن ءتۇسىندىرۋ بويىنشا تۇرعىندارمەن 341 جينالىس ۇيىمداستىرىلدى.

ناتيجەسىندە 334 كوپقاباتتى تۇرعىن ءۇيدىڭ كەلىسىم حاتتاماسى جاسالىپ، تۇرعىن ءۇي كولەمىنە شاققاندا 48،1 % پايىزدى قۇراپ وتىر. ونىڭ ىشىندە، 277 كوپقاباتتى تۇرعىن ۇيدە جاي سەرىكتەستىك جانە 57 كوپقاباتتى تۇرعىن ۇيدە مۇلىك يەلەرىنىڭ بىرلەستىگى قۇرىلىپ، قالالىق ادىلەت دەپارتامەنتىندە تىركەلدى. وتكەن اپتادا اۋدان اكىمدىگىنىڭ ۇيىمداستىرۋىمەن تاعى 24 جينالىس وتكىزىلىپ، 1 ۇيگە ميب قۇرۋ جۇمىستارى جۇرگىزىلدى.

ال ءال-فارابي اۋدانىندا تۇرعىن ءۇي رەفورماسىن ءتۇسىندىرۋ جۇمىستارى مەديا جوسپار ارقىلى جۇزەگە اسۋدا. بۇگىنگى تاڭعا دەيىن اۋدان اكىمشىلىگىنىڭ ۇيىمداستىرۋىمەن تۇرعىن ءۇيدى باسقارۋدىڭ جاڭا نىسانىنا كوشۋ بويىنشا تۇرعىندارمەن 403 جينالىس وتكىزىلدى. ناتيجەسىندە، 52 كوپقاباتتى تۇرعىن ءۇي مۇلىك يەلەرىنىڭ بىرلەستىگى، 142 تۇرعىن ۇيدە جاي سەرىكتەستىككە ءوتتى. قازىرگى تاڭدا قوسىمشا مۇلىك يەلەرىنىڭ بىرلەستىگىن قۇرۋ بويىنشا 33 كوپقاباتتى تۇرعىن ءۇيدىڭ كەلىسىم حاتتاماسى جيناقتالۋدا.

قاراتاۋ اۋدانى اكىمدىگىنىڭ جۇمىس ناتيجەسىندە تۇرعىندارمەن 61 كەزدەسۋ، 13 ونلاين جينالىس ۇيىمداستىرىلدى. اۋدان بويىنشا 9 ميب) جانە 214 جاي سەرىكتەستىك قۇرىلدى.

قازىرگى تاڭدا شاھارداعى ءتورت اۋدان اۋماعىندا كوپقاباتتى تۇرعىن ۇيلەردىڭ تۇرعىندارىنا ءتۇسىندىرىلىپ جاتقان جاڭا رەفورما تيىمدىلىگىن كورسەتۋدە.