«Nur Otan» پارتياسىنىڭ جانىنداعى ءبىلىم جانە عىلىمدى دامىتۋ جونىندەگى رەسپۋبليكالىق قوعامدىق كەڭەستىڭ ءتوراعاسى جۇلدىز دوسبەرگەن قىزىنىڭ ءىس ساپارى «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى 2021-2025 جىلدارعا ارنالعان سايلاۋالدى باعدارلاماسىن ىسكە اسىرۋ جونىندەگى جول كارتاسى بويىنشا ءبىلىم سالاسىندا اتقارىلعان اۋقىمدى جوبالارىمەن تانىسۋعا جالعاستى.

شىمكەنت قالاسى بويىنشا پارتيانىڭ سايلاۋالدى باعدارلاماسىن ىسكە اسىرۋ ءۇشىن ازىرلەنگەن جول كارتاسىنداعى 149 كەشەندى ءىس-شارانىڭ قاتارىندا ءۇش اۋىسىمدى مەكتەپ ماسەلەسىن تۇپكىلىكتى شەشۋ كوزدەلگەن. وسى ماقساتتا قالانىڭ سولتۇستىك بولىگىندە ورنالاسقان «تۇران» شاعىن اۋدانىندا بيىل 1200 ورىنعا لايىقتالعان مەكتەپ پايدالانۋعا بەرىلگەن. قازىرگى تاڭدا اتالعان اۋداندا تۇرعىن ءۇي قۇرىلىسى قارقىن العان. ياعني، الداعى ۋاقىتتا ونداعى تۇرعىندار سانى ارتا تۇسەتىنى بەلگىلى. سوعان سايكەس كەلەر جىلى مەكتەپتەگى وقۋشىلار سانى 2 مىڭعا دەيىن جەتەدى دەگەن بولجام بار.

اتالعان ءبىلىم ۇياسىنا ارنايى بارعان ءماجىلىس دەپۋتاتى جۇلدىز سۇلەيمەنوۆا ونداعى وقۋ پروسەسىن باقىلاپ، جاڭا وقۋ عيماراتىنىڭ زامان تالابىنا ساي جاراقتاندىرىلعانىن اتاپ ءوتتى. سونىمەن قاتار ول، وقۋشىلاردى جاڭا وقۋ جىلىنىڭ باستالۋىمەن قۇتتىقتاپ، ولارعا ساتتىلىك تىلەدى.

ايتا كەتەيىك، بيىل قالادا 5 ءۇش اۋىسىمدى مەكتەپتىڭ ماسەلەسى وڭ شەشىلىپ، ولاردىڭ سانى 14-تەن 9-عا ازايادى.