جەرگىلىكتى بيلىك پەن توتەنشەلىكتەر ۇي-ۇيلەردى ارالاپ ۋلانۋدىڭ الدىن الۋ شارالارىن ءتۇسىندىرىپ جاتىر. سونداي شارانىڭ ءبىرى قايناربۇلاق ساياجايىندا جالعاستى. قۇتقارۋشىلار از قامتىلعان وتباسىلاردىڭ ۇيلەرىن ارالاپ، پەشتەردىڭ مۇرجالارىن تازالاپ بەردى. ءتىپتى كەيبىرىنە دابىل قاققىش ورناتتى.
توتەنشەلىكتەر ءار ۇيگە جەكە جەكە كىرىپ پەش مۇرجالارىنىڭ تازالىعى مەن جىلىتۋ قازاندىقتارىنىڭ قاۋىپسىزدىگىن تەكسەرىپ شىقتى. از قامتىلعان وتباسىلار مەن اسىراۋشىسى جوق جانۇلارعا قولدان كەلگەن كومەك جاساپ مۇرجالارىن تازالاپ بەردى.
كۇن سالقىن تۇسىسىمەن جۇرت پەش ەاعىپ كەيبىرى ەلەكتر جىلىتقىشتارىن پايدالانادى. جاز بويى قاراۋسىز تۇرعان پەش بىقسىپ جانباي قالۋى مۇمكىن. ونىڭ سوڭى ۋلى گازدان يىستەنۋگە سوقتىرادى. سوندىقتان ءقاۋىپتىڭ الدىن العان ءجون، دەيدى قۇتقارۋشىلار.
جالپى وتكەن جىلىتۋ ماۋسىمىندا جۇرگىزىلگەن جۇيەلى جۇمىستىڭ ناتيجەسىندە قالا اۋماعىندا ءيىس ءتيىپ ۋلانۋ جاعدايى ءبىرشاما ازايعان. دەگەنمەن وعان توقمەيىلسۋگە بولمايدى، دەيدى توتەنشەلىكتەر. قايناربۇلاق ساياجايلارى اۋماعىندا الەۋمەتتىك از قامتىلعان 20 دان اسا وتباسى بار. سالاعا جاۋاپتىلار تۇرعىنداردىڭ جىلىتۋ قۇرالدارىنىڭ قۇبىرلارىن تازالاپ، قاجەت بولعان جاعدايدا پەشتەرىن جوندەپ بەرۋگە دايىن ەكەندەرىن جەتكىزدى.
ايتا كەتەيىك اعىمداعى جىلدىڭ سەگىز ايىندا قاراتاۋ اۋدانىنىڭ اۋماعىندا 30 ءورت تىركەلسە ونىڭ 7ء-ى قاينار بۇلاق اۋماعىندا ورىن العان.
پىكىر قالدىرۋ