مەملەكەت باسشىسى جولداۋدا ەكولوگياعا ەرەكشە توقتالىپ، قالالاردى جاسىل جەلەككە بولەۋ جاعىنا دا توقتالعان بولاتىن. وسى باعىتتا شىمكەنتتە اۋقىمدى جۇمىستار اتقارىلۋدا. اسىرەسە قالا ىشىندەگى بۇرىنعى قوقىس الاڭى سرىتقا كوشىرىلدى.
سونداي-اق ساي-سالاداعى كۇل-قوقىس تاستالعان جەرلەر تازالانىپ، جاسىل جەلەكتەر وتىرعىزىلۋدا. سونىڭ ءبىرى قاراتاۋ اۋدانىنا قاراستى الاتاۋ كوشەسىندەگى جىرا. ول جەرگە كۇل-قوقىسى ازداي ءوندىرىس قالدىعى دا تاستالاتىن. قولقانى قاپقان ساسىق ءيىس پەن تۇتىنگە تۇنشىققان جۇرت بيلىكتەن بىرنەشە مارتە كومەك سۇراعان.
قالا اكىمى مۇرات ايتەنوۆ اتالمىش ماسەلەگە ەرەكشە دەن قويىپ، حالىققا قولايلى ورتانى قالىپتاستىرۋدى بىردەن قولداعان بولاتىن. وسىدان 6 اي بۇرىن قوقىس ورنى بولعان جەردە، بۇگىن كوگال ەگىلىپ جاتىر. ەكى بىردەي سپورت الاڭشاسى مەن ترەناجەر، بالالاردىڭ ويىن ەلەمەنتتەرى ورناتىلعان جاڭا ساياباق پايدا بولادى.
قاراۋسىز قالعان اۋماقتى قوقىس ورنى قىلىپ العان تۇرعىندارعا، قوس قولداپ تۇرىپ قولداۋ بىلدىرگەن ءوندىرىس وشاقتارى وزدەرىنەن شىققان قالدىقتارىن وسىندا توگىپ كەلگەن. جاعىمسىز يىسپەن تۇتىنگە تۇنشىققان تۇرعىندار، بۇل ماڭايدان ءتۇن تۇگىلى كۇندىز ءجۇرۋدىڭ ءوزى قورقىنىشتى ەدى، دەپ ەسكە الادى. 4 گەكتار اۋماق بۇگىندە ادام تانىماستاي وزگەرگەن.
بۇگىندە ساياباق قۇرىلىسىنىڭ 90 پايىزى اقتالىپتى. اۆتوتۇراق پەن كوگال ەگۋ جۇمىستارىنا قىزۋ كىرىسكەن جۇمىسشىلار، بىرەر كۇندە مۇنداعى تىرلىكتى تولىعىمەن ءتامامدايمىز، دەپ وتىر. دەگەنمەن، مەردىگەر مەكەمە وكىلى 3 جىل بويىندا كەپىلدىك مەرزىمىمىز بار، دەيدى. ساياباقتىڭ اشىلۋ سالتاناتىن اسىعا كۇتىپ جۇرگەن جەرگىلىكتى تۇرعىندار، سايالى مەكەندەگى كەشكىلىك سەرۋەندى باستاپتا كەتكەن.
پىكىر قالدىرۋ