«Nur Otan» پارتياسى 2019 جىلدان باستاپ «كەدەرگىسىز كەلەشەك» پارتيالىق جوبا اياسىندا «مۇمكىندىگى شەكتەۋلى ازاماتتاردى ءبىرىڭعاي تاقىرىپتىق قابىلداۋ» اكسياسىن تۇراقتى نەگىزدە جۇرگىزىپ كەلەدى.

پارتيالىق جوبانىڭ نەگىزى ماقساتى - مۇمكىندىگى شەكتەۋلى جانداردىڭ قوعامدىق ورىنداردا كەدەرگىسىز ءجۇرىپ-تۇرۋىنا جاعداي جاساۋ جانە ولاردى قوعامنىڭ تولىققاندى مۇشەسى رەتىندە سەزىنۋىن قامتاماسىز ەتۋ، سونداي-اق جۇمىس كوزدەرىمەن قامتۋ.

بەكىتىلگەن جالپى ەرەجەلەرگە سايكەس، «مۇمكىندىگى شەكتەۋلى ازاماتتاردى ءبىرىڭعاي تاقىرىپتىق قابىلداۋ» اكسياسى توقسانىنا 1 رەت وتكىزىلەدى. قازىرگى ۋاقىتقا دەيىن پارتيانىڭ شىمكەنت قالالىق فيليالىندا 11 قوعامدىق قابىلداۋ وتكىزىلىپ، 103 مۇمكىندىگى شەكتەۋلى جانداردى قابىلداۋ ارقىلى ونىڭ 31%-ى وڭ شەشىمىن تاپتى.

وسى ماقساتتا، بۇگىن جەرگىلىكتى اكىمشىلىك پەن ءتيىستى مەكەمەلەردى ءجقاقب، دەنساۋلىق، ءبىلىم، تۇرعىن ءۇي باسقارماسى ت.ب. تارتا وتىرىپ، مۇمكىندىگى شەكتەۋلى ازاماتتاردىڭ ماسەلەسىن شەشۋ جانە تالاپ-تىلەگىن قاناعاتتاندىرۋ ماقساتىندا كەزەكتى تاقىرىپتىق قابىلداۋ اكسياسى ۇيىمداستىرىلدى.

شاراعا پارتيا فيليالىنىڭ باسشىلارى مەن بۇقارالىق اقاپارات قۇرالدارىنىڭ وكىلدەرى قاتىستى.