«Nur Otan» پارتياسى شىمكەنت قالاسى فيليالىنىڭ ءتوراعاسى، قالا اكىمى مۇرات ايتەنوۆ پەن قالالىق ءماسليحات حاتشىسى باحادىر نارىمبەتوۆ پارتيا جانىنداعى ءفرون-وفيستىڭ اشىلۋ جيىنىنا قاتىستى.

قالا اكىمىنە كەڭسەنىڭ اتقاراتىن قىزمەتى جانە قوعامدىق قابىلداۋ بولمەسىنىڭ جۇمىسىن «Nur Otan» پارتياسى قالالىق فيليالى ءتوراعاسىنىڭ ءبىرىنشى ورىنباسارى جانار بەكتايەۆا تانىستىردى.

اتالعان ءفرونت-وفيستىڭ نەگىزگى ماقساتى – قالا تۇرعىندارىنا ونلاين تۇردە قىزمەت كورسەتۋ، ازاماتتاردىڭ ءوتىنىشىن قاراۋ، تىركەۋ جانە وڭدەۋ بولىپ تابىلادى. قوعامدىق قابىلداۋ قىزمەتكەرلەرىمەن قوسا اۋداندىق فيليال قىزمەتكەرلەرى ءفرونت-وفيستىڭ كوڭىراۋلارىن قابىلداپ، وتىنىشتەردى ءتيىستى مەملەكەتتىك مەكەمەلەرگە جولداۋ ارقىلى شۇعىل جاۋاپ بەرۋدى ۇيىمداستىرادى.

سونىمەن قاتار، ازاماتتاردىڭ وتىنىشتەرىنە ءار سالا مامانى، ماسەلەن: قۇقىق قورعاۋ ورگاندارىنىڭ قىزمەتكەرلەرى، پروكۋراتۋرا، پوليسيا دەپارتامەنتى، ادىلەت دەپارتامەنتى، ادۆوكاتتار القاسى، مەدياتور ورتالىعى جانە جەرگىلىكتى اتقارۋشى ورگان ماماندارى ءتيىستى سۇراقتارعا جاۋاپ بەرەدى.

جيىندا «Nur Otan» پارتياسى شىمكەنت قالالىق فيليالىنىڭ ءتوراعاسى، قالا اكىمى مۇرات دۇيسەنبەك ۇلى ايتەنوۆ ءفرونت-وفيستى اشىپ، سايلاۋالدى باعدارلاسى بويىنشا بەكىتىلگەن جول كارتاسىنا سايكەس 9 ايلىق اتقارىلعان ءىس-شارالاردىڭ ورىندالۋىن باياندادى.

– ەلباسى، پارتيا ليدەرى نۇرسۇلتان نازاربايەۆتىڭ تاپسىرماسىمەن «Nur Otan» پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» دەپ اتالاتىن سايلاۋالدى باعدارلاماسىن ىسكە اسىرۋ ماقساتىندا جول كارتاسى بەكىتىلگەن بولاتىن. سايلاۋالدى باعدارلامامىز – ەلىمىزدى تاياۋداعى بەس جىلدا جاڭا دامۋ باعىتىنا تۇسىرەتىن ناقتى جول كارتاسى. وندا رەسپۋبليكا بويىنشا ءار ءوڭىر، قالا جانە اۋداندا اتقارىلاتىن جۇمىستار ناقتىلانعان. وسى ورايدا ءبىز، شىمكەنت قالاسىندا سايلاۋالدى باعدارلامانى ىسكە اسىرۋ بويىنشا 149 ءىس-شارا بەلگىلەنىپ، وعان جاۋاپتى باسقارما باسشىلارى مەن قالالىق ءماسليحاتتاعى «Nur Otan» پارتياسى فراكسياسىنىڭ مۇشەلەرى بەكىتىلگەن. جۇمىستاردىڭ جۇيەلى ءارى ساپالى ورىندالۋى ۇنەمى پارتيا نازارىندا، – دەدى قالا اكىمى.