«Nur Otan» پارتياسىنىڭ «وزگەرىستەر جولى: بارشاعا لايىقتى ءومىر!» سايلاۋالدى باعدارلاماسىن ىسكە اسىرۋ جونىندەگى ءىس-شارالار جوسپارىنا سايكەس، شىمكەنت قالاسىندا اعىمداعى جىلى جەكە كاسىپكەرلەردىڭ قاراجاتى ەسەبىنەن 2 سپورت نىسانى پايدالانۋعا بەرىلدى.

اتاپ ايتقاندا، حالىقارالىق دەڭگەيدەگى «SHYMKENT SHOTTING PLAZA» اتۋ الاڭى مەن «انوش» سپورت كەشەنى.

«SHYMKENT SHOTTING PLAZA» اتۋ الاڭىنىڭ جوبالىق قۇنى 630،0 ملن تگ قۇرايدى. سپورت كەشەنىندە 150-دەن اسا جاڭا جۇمىس ورنى اشىلىپ، 750-دەن اسا سپورتىشى (ستەنت اتۋ، ساداق اتۋ، وق اتۋ) سپورتتىق دايىندىقتان وتۋدە. تمد-دا تەڭدەسى جوق بۇل سپورت كەشەنىندە سپورتشىلاردىڭ دايىندىق دەڭگەيى جوعارى دارەجەدە كەستەگە ساي وتكىزىلىپ جاتقاندىقتان، ازيا چەمپيوناتتارىندا بۇكىل الەمدىك وليمپيادا ويىندارىندا جوعارى جەتىستىككە قول جەتكىزەرى ءسوزسىز.

«انوش» سپورت كەشەنىنىڭ كولەمى 2429،4 م2 قۇرايدى. كەشەندە جاڭادان 14 جاڭا جۇمىس ورنى اشىلىپ، ءبىر مەزگىلدە 100 دەن اسا سپورتشى شۇعىلدانۋعا قاۋقارلى. بۇگىنگى كۇندە قازاقستان رەسپۋبليكاسى مادەنيەت جانە سپورت ءمينيسترىنىڭ 2021 جىلعى 21 ساۋىردەگى №113 بۇيرىعىنا «بالالار مەن جاسوسپىرىمدەرگە ارنالعان سپورت سەكسيالارىندا مەملەكەتتىك سپورتتىق تاپسىرىستى ورنالاستىرۋ جانە ولاردىڭ جۇمىس ىستەۋ قاعيدالارىنا» سايكەس كاراتە، بوكس، كۇرەس، تاەكۆوندو، ۋشۋ، دزيۋدو، مما، شاحمات، سپورتتىق بي تۇرلەرىمەن 708 بالا سپورتپەن شۇعىلدانۋدا.

سونىمەن قاتار، شىمكەنت قالاسىندا اتالعان باعدارلاما اياسىندا 380-گە جۋىق سپورتتىق سەكسيالار اشىلىپ، قالا بويىنشا 7019 بالا سپورتتىڭ 14 تۇرىمەن شۇعىلدانۋدا.