بۇعان دەيىن تەك ەكپە العاندارعا بەرىلگەن Ashyq قوسىمشاسىنداعى "جاسىل" مارتەبە ەندى ەكپە الماعاندارعا دا قولدانىلاتىن بولدى. ءبىراق بارلىعىنا بىردەي ەمەس. ول ءۇشىن ۆاكسينالاۋدان بوساتىلعانى جونىندە دارىگەر رۇقساتى بولۋى ءتيىس.
كارانتين تالابىنا سايكەس، ەكپە سالدىرماعاندارعا بۇعان دەيىن ساناتوريي، فيتنەس-ورتالىق، كينوتەاتر، ساۋدا ورىندارى سىندى ءتۇرلى وبەكتىلەرگە كىرۋگە تىيىم سالىنعان بولاتىن. ەندى بۇل تالاپ جەڭىلدەتىلىپ، ۆاكسينا سالدىرماعاندارعا دا كەز كەلگەن وبەكتىگە ەركىن كىرۋ مۇمكىندىگى بەرىلەتىن بولدى. تەك ءتيىستى مەديسينالىق تالاپتى ساقتاۋى شارت. ءبىراق بۇل ازاماتتارعا مۇنداي مۇمكىندىك ۋاقىتشا بەرىلەتىنى العا تارتىلدى.
– Ashyq قوسىمشاسىنداعى "جاسىل" مارتەبە – كەز كەلگەن ازاماتتىڭ پتر-تەستىلەۋدەن وتكەنىن، COVID-19 تەرىس ناتيجە بەرەتىنىن راستايتىن قۇجات. سوندىقتان مۇنداي مارتەبە ەكپە الماۋعا بەلگىلى سەبەبى بار ازاماتتارعا بەرىلگەلى وتىر. بۇل قولجەتىمدىلىكتى ارتتىرادى. ءبىراق مەديسينالىق دالەلدەمەلەردىڭ مەرزىمى اياقتالعاننان كەيىن ولار مىندەتتى تۇردە ەكپە الۋى ءتيىس، – دەيدى نۇر-سۇلتان قالاسىنىڭ باس سانيتار دارىگەرى سارحات بەيسەنوۆا.
پىكىر قالدىرۋ