شىمكەنت قالاسىنىڭ تۇرعىنى ايدانا تۇردالييەۆا شىعىس قازاقستان وبلىسى وۆ-156/18 مەكەمەسىندە جازاسىن وتەپ جاتقان ءىنىسى ەرلان كەنجە پروكۋراتۋرا مەن تۇرمە اكىمشىلىگى تاراپىنان قىسىم كورىپ وتىرعانىن ايتادى. سوزىنشە، جارما اۋدانى پروكۋراتۋراسى مەن كولونيا باسشىلىعى قولدان قىلمىستىق ءىس جاساپ، ونى جالپى رەجيمنەن قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىنە اۋىستىرعالى جاتىر.
ايدانا تۇردالييەۆا مەكەمە اكىمشىلىگى ءىنىسىن "بىرنەشە رەت قيناپ، كۇش قولدانىپ، ورنى تولماس پسيحولوگيالىق زاقىم كەلتىردى" دەپ وتىر. ەرلان كەنجە كورگەن قيىندىققا شىداماي، بىرنەشە مارتە وزىنە قول جۇمساماق بولعان. 2021 جىلعى ماۋسىم-شىلدەدە اسىلىپ، ءوزىنىڭ كۇرە تامىرىن كەسىپ، كوپتەگەن دەنە جاراقاتتارىن سالعان.
الايدا جارما اۋدانى پروكۋراتۋراسىنىڭ ەراسىل جانە شىرىن ەسىمدى پروكۋرورلارى قورقىتۋ ءتاسىلى ارقىلى، ونى ارىز جازباۋعا كوندىرگەن.
– اراعا بىرنەشە كۇن سالىپ وۆ-156/18 مەكەمەسىنىڭ باسشىلىعى مەن اكىمشىلىگى نەگىزسىز جانە زاڭسىز ارەكەتتەرگە بارا وتىرىپ، ىنىمە مەكەمەدە تىنىش جازاسىن وتەۋگە مۇمكىندىك بەرمەدى. بۇعان شىداي الماعان ءىنىم كومەك سۇراپ تاكسافون ارقىلى ۇيگە جانە پروكۋراتۋراعا حابارلاسپاق بولعانىندا، تۇرمە باسشىلىعى وعان كەدەرگى كەلتىرگەن. قىلمىستىق اتقارۋ جۇيەسىنىڭ ءتارتىبىن بۇزىپ، قۇقىقتارى نەگىزسىز شەكتەلگەنىنە اشۋلانعان ءىنىم مەكەمە اكىمشىلىگىنە رەنىشىن بىلتىرگەن. وۆ-156/18 مەكەمەسى تاربيە ءبولىمىنىڭ باستىعى ماقسات اداموۆ ءىنىمدى بوعاۋىز ءسوز ايتۋعا يتەرمەلەپ، ول ويىن ىسكە اسىرىپ، ونى ۆيدەوعا ءتۇسىرىپ، قاساقانا قىلمىستىق ءىس قوزعاتقان. الدىن الا جوسپارلارى ارقىلى جارما اۋدانى پوليسيا ءبولىمى تەرگەۋ ءبولىمىنىڭ تەرگەۋشىسى اعا لەيتەنانت س.كاكيموۆ قىلمىستىق كودەكستىڭ 429-بابى 1-بولىگى (قوعامنان وقشاۋلاۋدى قامتاماسىز ەتەتىن مەكەمەنىڭ قىزمەتكەرىنە نە ونىڭ جاقىندارىنا، سونداي-اق سوتتالعان ادامعا قاتىستى كۇش قولدانۋ قاتەرىن ءتوندىرۋ نەمەسە ولاردىڭ دەنساۋلىعىنا نەمەسە ومىرىنە قول سۇعۋ – رەد.) بويىنشا ءىس قوزعاپ، سوتقا دەيىنگى تەرگەۋدى باستادى، – دەيدى ايدانا تۇردالييەۆا.
كۇدىكتىنىڭ اپكەسى سوتقا دەيىنگى تەرگەۋ كەزىندە ءىنىسىن جابىرلەنۋشى ماقسات اداموۆپەن مۇلدە بەتتەستىرمەگەنىن، تۇسىنىكتەمەلەرىن تولىقتىرماي، قىلمىستىق پروسەستىك كودەكس ءتارتىبىن ورەسكەل بۇزا وتىرىپ، پروكۋرورمەن كەلىسىپ سوتقا جولداعانىن ءمالىم ەتتى.
– قىلمىستىق ءىستى قاراپ جاتقان شقو جارما اۋداندىق سوتىنىڭ سۋدياسى ر.وماروۆ ىستەگى كوپتەگەن قاتەلىكتەر مەن زاڭسىزدىقتارعا قاراماستان، پروسەستى ءبىرجاقتى جۇرگىزىپ جاتىر. ول ازداي قورعاۋشىعا ءىنىمدى كىنالى دەپ تاۋىپ، جازاسىن وتەپ جاتقان جالپى رەجيمنەن قىلمىستىق-اتقارۋ جۇيەسىنىڭ قاۋىپسىزدىگى جوعارى مەكەمەگە اۋىستىرۋ تۋرالى شەشىم شىعاراتىنىن ايتىپ جىبەرگەن، – دەيدى ول.
ايدانا تۇردالييەۆا شقو پروكۋراتۋراسى مەن پوليسيا دەپارتامەنتىنە تۇسىرىلگەن شاعىمداردان جاۋاپ بولماعانىن ايتىپ، زاڭسىزدىقتارعا قوعام نازارىن اۋدارتقىسى كەلەدى.
پىكىر قالدىرۋ