ماڭعىستاۋ وبلىسى مۇنايلى اۋدانىنا قاراستى قىزىلتوبە اۋىلى تۇرعىندارى جەر استىمەن تارتىلعان گاز قۇبىرىنىڭ توزىعى جەتكەنىن، ءتىپتى كوگىلدىر وتىننىڭ ءيىسى مۇڭكىپ تۇرعانىن ايتىپ شاعىمدانادى، دەپ حابارلادى ەۋرازيا ءبىرىنشى ارناسى.

"الدا-جالدا جارىلىپ كەتسە، ۇلكەن تراگەدياعا تاپ بولامىز" دەپ قورقاتىن جۇرت قۇبىرلاردى ستاندارتقا ساي ەتىپ جەر ۇستىمەن جۇرگىزىپ بەرسە دەيدى.

– جاز كۇندەرى ءيىس ەندى نيەۆوزموجنو. بالالارىمىزدان قورقامىز. كوشەدە وينايدى. ءبىر جەرىن قوزعاپ كەتە مە، جارىلىپ كەتە مە دەپ، – دەيدى روزا مۇساعالييەۆا قىزىلتوبە اۋىلىنىڭ تۇرعىنى. 

اۋدان اكىمىنىڭ ورىنباسارى نۇربەك قاراسايەۆ ماسەلەنى شەشۋ جۇمىستارى قولعا الىنعانىن ايتتى. 

ەسكە سالساق، كەشە كوكشەتاۋدا كوكتەم شاعىن اۋدانىنداعى تۇرعىن ءۇي كەشەنىنىڭ 2-قاباتىندا گاز باللونى جارىلدى. تۇرعىندار بىرنەشە اپتا ورتالىقتاندىرىلعان گاز بولماعاندىقتان، گاز باللونداردى پايدالانعان.

توتەنشە جاعداي سالدارىنان ەكى ادام زارداپ شەككەن. ءبىرىنىڭ دەنەسىن 18 پايىزعا دەيىن كۇيىك شالعان. ءقازىر ەكەۋى دە اۋرۋحانادا ەم قابىلداۋدا.