جامبىل وبلىسىنىڭ تۇرعىندارى الەۋمەتتىك جەلىلەردە ساعات 11.30 شاماسىندا سارىكەمەر اۋىلىنىڭ ماڭىنداعى وق-دارىلەر قويماسىندا ەكى جارىلىس بولعانىن حابارلاپ جاتىر.
ازىرگە مەملەكەتتىك ورگاندار اقپاراتقا بايلانىستى پىكىر بىلدىرمەگەن. تەك Kris.p.taraz پابليگىندە جارالىس مينالاردى باسقا جاققا كوشىرۋگە بايلانىستى جاسالىپ جاتقانى تۋرالى اقپارات جاريالانعان.
"اسكەري بولىمدەگى جيناقتالعان مينالاردى تاۋعا كوشىرىپ، ارنايى دايىندالعان ورنىندا باقىلاۋلى جارىلىستار بولادى. 12 جانە 13 قازاندا ساعات 11.00، 12.00 جانە 16.00 - دە جارۋ جۇمىستارى اسكەريلەرمەن بىرگە جۇرگىزىلەدى" دەلىنگەن حابارلامادا.
10 قازاندا قورعانىس مينيسترلىگى سارىكەمەر اۋىلى ماڭىندا جارىلىستار بولۋى مۇمكىن ەكەنىڭن ەسكەرتكەن. ول كەزدە سارىكەمەر اۋىلىنداعى ينجەنەرلىك وق-دارىلەر قويماسىنىڭ اۋماعىندا بۇرىن زاقىمدانعان جارىلعىش زاتتار ورتەنىپ، جارىلىس بولعانى ايتىلعان.
"الداعى ۋاقىتتا دا بۇنداي جاعدايلار ورىن الۋ مۇمكىن. ودان بولەك، قويما اۋماعىندا ءقاۋىپتى وق-دارىلەردىڭ باقىلاناتىن جارىلىستارى جۇرگىزىلەتىن بولادى. قازىرگى ۋاقىتتا ا.ج. 26 تامىزىندا ورتەنگەن قويمانىڭ تەحنيكالىق اۋماعىن جارىلعىش زاتتاردان تازارتۋ جۇمىستارى جالعاسۋدا" دەلىنگەن اقپاراتتىق حابارلامادا.
بۇعان دەيىن 26 تامىزدا جامبىل وبلىسىنداعى اسكەري قويمادا بىرنەشە جارىلىس بولىپ، سونىڭ سالدارىنان 17 ادام قازا تاۋىپ، اسكەري ءبولىم ماڭىنداعى قاينار اۋىلىنداعى ۇيلەر عيماراتتار بۇلىنگەن.
پىكىر قالدىرۋ