ق ر قورعانىس مينيسترلىگىنىڭ باسپا ءسوز قىزمەتى جامبىل وبلىسى سارىكەمەر اۋىلىنىڭ ماڭىنداعى وق-دارىلەر قويماسىنداعى جارىلىسقا بايلانىستى پىكىر ءبىلدىردى
قورعانىس مينيسترلىگىنىڭ مالىمەتىنشە، جوسپارلى جۇمىستار تۋرالى اكىمدىكتەر مەن تۇرعىندارعا الدىن الا حابارلانعان.
"جامبىل وبلىسى بايزاق اۋدانىنداعى قورعانىس مينيسترلىگىنىڭ ينجەنەرلىك-ساپەرلىك بولىمشەلەرىنىڭ كۇشتەرى وق-دارىلەردىڭ سىنىقتارىن باقىلاۋلى جارۋ جۇمىستارىن باستادى. جۇمىس 13 قاراشاعا، دۇيسەنبىدەن جۇماعا دەيىن كۇن سايىن جۇرگىزىلەدى. بۇل ۋچاسكە اسكەري ءبولىم مەن ەلدى مەكەندەردەن 12 شاقىرىمنان استام قاشىقتا، تاۋلى ايماقتا ورنالاسقان" دەلىنگەن حابارلامادا.
ماماندار جەرگىلىكتى تۇرعىندار مەن ينجەنەرلىك-ساپەرلىك قوندىرعىلاردىڭ جەكە قۇرامىنىڭ قاۋىپسىزدىگىن قامتاماسىز ەتۋ ءۇشىن تاڭدالعان اۋماقتىڭ ەگجەي-تەگجەيلى زەرتتەلگەنىن ايتتى.
– جامبىل وبلىسى ءىىد اسكەري پوليسيانىڭ قاتىسۋىمەن جارىلىس بولعان جەردىڭ اينالاسى قورشاۋعا الىندى. جارىلىستاردىڭ دىبىسى بولادى. جۇرگىزىلگەن جۇمىس حالىققا ەشقانداي ءقاۋىپ توندىرمەيدى، دەيدى قورعانىس مينيسترلىگىندەگىلەر.
بۇعان دەيىن 26 تامىزدا جامبىل وبلىسىنداعى اسكەري قويمادا بىرنەشە جارىلىس بولىپ، سونىڭ سالدارىنان 17 ادام قازا تاۋىپ، اسكەري ءبولىم ماڭىنداعى قاينار اۋىلىنداعى ۇيلەر عيماراتتار بۇلىنگەن.
پىكىر قالدىرۋ