ءبىلىم جانە عىلىم ءمينيسترى اسحات ايماعامبەتوۆ مەكتەپتەردە ءداستۇرلى وقۋ مەن ءبىلىم ورىندارىنداعى ەپيدەميولوگيالىق جاعداي تۋرالى حابارلادى.

– بيىلعى وقۋ جىلى ءداستۇرلى تۇردە باستالدى. ەلىمىزدە ىندەتتىڭ تارالۋى باسەڭسىپ كەلەدى. بالالاردىڭ كوروناۆيرۋسقا شالدىعۋىن شىلدە-تامىز ايلارىمەن سالىستىرساق، ءقازىر جاعداي جاقسارعان، ياعني ۆيرۋستىڭ تاراۋى ايتارلىقتاي تومەندەگەن. ەلىمىز بويىنشا بالالار اراسىندا كوروناۆيرۋستىڭ تارالۋى 0،1 پايىزدان اسپاي تۇر، – دەدى ايماعامبەتوۆ.

ونىڭ ايتۋىنشا، مەكتەپتەردە سانيتارلىق تالاپتار ءتيىستى دەڭگەيدە ساقتالعان.

– كەيبىر سىنىپتار كارانتينگە جىبەرىلىپ، قاشىقتان وقىپ جاتىر. ال كەيبىر سىنىپتار كەرىسىنشە مەكتەپكە قايتا ورالىپ جاتىر. جالپى كورسەتكىش 0،1 پايىزدان اسپايدى. ياعني جاعداي تۇراقتى. ەڭ باستىسى مەكتەپتە سانيتارلىق تالاپتار قاتاڭ ساقتالۋدا جانە كارانتين ەرەجەلەرىن ۇستانا وتىرىپ، ءبىلىم بەرۋ ءوز دەڭگەيىندە جالعاسا بەرەدى، – دەدى مينيستر.