16 قازان كۇنى وزبەكستان مەن اۋعانستان شەكارا قاۋىپسىزدىگىن قامتاماسىز ەتۋ، سونداي-اق اۋعانستان ارقىلى وتەتىن كولىك دالىزدەرىنىڭ قۇرىلىسى تۋرالى كەلىسسوزدەر وتكىزدى. بۇل تۋرالى وزبەكستان سىرتقى ىستەر مينيسترلىگى حابارلادى.
وزبەكستان دەلەگاسياسىن پرەمەر ء-مينيستردىڭ ورىنباسارى -ينۆەستيسيالار جانە سىرتقى ساۋدا ءمينيسترى ساردور ۋمۋرزاكوۆ، اۋعانستان تاراپىن اۋعانستاننىڭ ۋاقىتشا ۇكىمەتى باسشىسىنىڭ مىندەتىن اتقارۋشى ابدۋل سالام حانافي باسقاردى.
كەلىسسوزدە دەلەگاسيالار ورتاق شەكارانىڭ قاۋىپسىزدىگىن، سونداي-اق حالىقارالىق جۇك تاسىمالى مەن ترانزيت سالاسىنداعى ىنتىماقتاستىقتى تالقىلادى. تاراپتار ساۋدا-ەكونوميكالىق جانە ەنەرگەتيكالىق ىنتىماقتاستىق ماسەلەلەرىن دە قاراستىردى.
"ينفراقۇرىلىمدىق جوبالاردى ىسكە اسىرۋعا، اتاپ ايتقاندا، سۋرحان-پۋلي-حۋمري ەلەكتر جەلىسىنىڭ قۇرىلىسى مەن تەرمەز-مازاري-شاريف-كابۋل-پەشاۆار تەمىر جولىنىڭ قۇرىلىسىنا ەرەكشە نازار اۋدارىلدى" دەپ حابارلادى سىرتى ىستەر مينيسترلىگىنىڭ باسپا ءسوز قىزمەتى.
تاراپتار تالقىلانعان ماسەلەلەر بويىنشا ءبىرقاتار كەلىسىمدەرگە قول جەتكىزگەن.
پىكىر قالدىرۋ