جۇڭگو ەكونوميكاسى سوڭعى ءۇش ايدا ەڭ باياۋ قارقىنمەن ءوستى. بۇل – بيىلعى ەڭ تومەنگى كورسەتكىش.

دۇيسەنبىدە جاريالانعان مالىمەتتەر قىتايدىڭ ءۇشىنشى توقسانداعى جالپى ىشكى ءونىمىنىڭ (ءجىو) 4،9 پايىزعا وسكەنىن كورسەتتى. بۇل – وتكەن جىلمەن سالىستىرعاندا ەڭ تومەنگى كورسەتكىش. ءوسىم ەكونوميستەر كۇتكەننەن دە تومەن بولىپ وتىر. 

ساراپشىلاردىڭ پىكىرىنشە، ەلەكتر قۋاتىنىڭ جەتىسپەۋشىلىگىنەن، جەتكىزىلىمنىڭ قيىندىققا ۇشىراۋىنان جانە پاندەميا سالدارىنان بەيجىڭدە داعدارىس كۇشەيە تۇسكەن. الاڭداۋشىلىقتاردىڭ ارتۋىمەن ساياساتكەرلەرگە قىسىم كۇشەيدى.

جۇڭگو ۇلتتىق ستاتيستيكا بيۋروسىنىڭ وكىلى فۋ لينگحۋي دۇيسەنبىدە "ءبىز قازىرگى حالىقارالىق بەلگىسىزدىكتەردىڭ ءوسىپ كەلە جاتقانىن جانە (قىتايدىڭ) ىشكى ەكونوميكاسىنىڭ قالپىنا كەلۋى ءالى دە تۇراقسىز جانە بىركەلكى ەمەس ەكەنىن ەسكەرۋىمىز كەرەك" دەپ مالىمدەدى.

سونىمەن قاتار، جۇڭگو ونەركاسىپتىك ءوندىرىسىنىڭ ءوسىمى قىركۇيەكتە 3،1 پايىزعا دەيىن تومەندەگەنى حابارلاندى.

وكسفورد ۋنيۆەرسيتەتى ازيا ەكونوميكاسى ءبولىمىنىڭ جەتەكشىسى لۋي كۋيس جۇڭگو ەكونوميكاسى جاعدايىنا تالداۋ جاساپ، "ءوسۋدىڭ تومەندەۋى جىلجىمايتىن مۇلىك نارىعىنىڭ سىر بەرۋىنە بايلانىستى بولدى" دەدى.