تالىپتەر اقش اسكەري كۇشتەرىنەن قالعان اۆياسيالىق تەحنيكانى قالپىنا كەلتىرۋگە كومەكتەسەتىن ماماندار تاپتى، دەپ حابارلادى Al Jazeera تەلەارناسى.
تەلەارنا حابارلاۋىنشا، ارنايى ماماندار شەتەلدىك اسكەرلەر قالدىرعان اسكەري تەحنيكانى قالپىنا كەلتىرۋ جۇمىستارىن جۇرگىزىپ جاتىر.
قازىرگى ۋاقىتتا تالىپتەر وزدەرىنىڭ جەكە اسكەري-اۋە كۇشتەرىن قۇرۋدا. ينجەنەرلەر، اۆياسيا ماماندارى مەن تەحنيكتەر توبى ونداعان ۇشاقتاردى جوندەپ جاتقانىن ايتادى. بەينەجازبادان اەرودرومعا شاشىراڭقى ورنالاسقان تىكۇشاقتاردى كورۋگە بولادى.
– تالىپتەر كابۋلعا كىرگەندە، ءبىرىنشى كەپىلدىك ول راقىمشىلىق بولدى. مەن ولاردىڭ سوزدەرىنە تۇراتىنىنا سەنىمدىمىن. ەگەر ءبىز ءبارىمىز كەتەتىن بولساق، بۇل اەرودرومدى كىم ساقتاپ قالار ەدى؟ ماعان اۋعانستاندى كىم باسقارعانى ماڭىزدى ەمەس، ماڭىزدىسى ونىڭ شەكاراسى، قازبا بايلىقتارىن مەن رەسۋرستارىن قورعاۋ، – دەدى مايور فاريد احماد.
بۇعان دەيىن اقشتىڭ سوڭعى 20 جىل ىشىندە اۋعانستان قارۋلى كۇشتەرىنە بەرگەن قارۋ-جاراق، ميلليارد دوللارلىق اسكەري تەحنيكاسى مەن وق-دارىلەرى تاليبان ۇيىمىنىڭ قولىنا وتكەنى تۋرالى حابارلانعان.
پىكىر قالدىرۋ