ارون اتابەك كوماعا ءتۇسىپ قالدى. اقپاراتتى ازاماتتىق بەلسەندى ايسۇلۋ ابۋباكىروۆا راستادى.

– كەشە ساعات  شامامەن ساعات 10:00 شاماسىندا ا. اتابەكتىڭ جانساقتاۋ بولىمىنە تۇسكەنى، جەكە كلينيكادا جاتقانى حابارلانعان. سودان كەيىن تاڭەرتەڭ  كوماعا ءتۇسىپ قالدى،  –  دەدى بەلسەندى.

بيىل 1 قازاندا پاۆلودار سوتى 2006 جىلعى شاڭىراق وقيعاسىنان كەيىن 18 جىلعا سوتتالعان ارون اتابەكتىڭ قالعان جازا مەرزىمىن بوستاندىعىن شەكتەۋ جازاسىنا اۋىستىرىپ، اقىندى "دەنساۋلىق جاعدايىنا بايلانىستى" تۇرمەدەن شىعارعان.

5 قازان كۇنى بەلسەندىنىڭ جاعدايى كۇرت ناشارلاپ، اۋرۋحاناعا شۇعىل جەتكىزىلگەن. كەيىن اتابەكتىڭ اۋرۋحاناعا جاتۋدان باس تارتقانى بەلگىلى بولدى. ارتىنشا ول ۇيىندە جاساندى تىنىس الۋ اپپاراتىمەن دەمالىپ جاتقانى حابارلاندى.

10 قازان كۇنى ءبىر توپ بەلسەندى ارون اتابەك كىتابىنىڭ تۇساۋكەسەرىن وتكىزدى. ولار تۋىندىنى ارون اتابەكتىڭ بوستاندىققا شىعۋىنا وراي جاسالعان سىيلىق ەكەنىن ايتقان.

ارون اتابەك 15 جىلدان استام ۋاقىت تۇرمەدە وتىردى. ول 2006 جىلعى "شاڭىراق" وقيعاسىنان كەيىن 18 جىلعا سوتتالعان. سوت اتابەكتى "شاڭىراق" وقيعاسى كەزىندە قازا تاپقان پوليسيا قىزمەتكەرىنىڭ ولىمىنە ايىپتى دەپ تانىعان.