شىمكەنت قالاسى قاراتاۋ اۋدانى اكىمى اپپاراتى «قازاقستان رەسپۋبليكاسىنداعى ءتىل تۋرالى» زاڭ تالاپتارىنىڭ ساقتالۋى بويىنشا قۇرىلعان مونيتورينگتىك توپ جوسپارعا سايكەس نىسانداردى ارالادى.
اتالمىش توپ مەملەكەتتىك جانە مەملەكەتتىك ەمەس مەكەمەلەردە ورنالاسقان ءتىل زاڭناماسىنىڭ تالاپتارىنا سايكەس كەلمەيتىن جارناما ونىمدەرى مەن كورنەكى اقپارات ماتىندەرىندەگى قاتەلەرگە جانە ولاردىڭ ساۋاتتى ورنالاسۋىنا، حالىقا ساپالى قىزمەت كورسەتۋ ءتىلى مەن ساپاسىنا مونيتورينگ جۇرگىزدى.
ولار اۋدان اۋماعىنداعى «ءنۇرسات» تۇرعىن الابىندا ورنالاسقان كاسىپكەرلىك نىساندار مەن قوعامدىق تاماقتانۋ ورىندارىندا بولدى. 30-دان استام كاسىپكەرلىك نىسان ارالانىپ، كەمشىلىك ورىن العان 12 نىسان اكىمشىلىگىنە ەسكەرتۋ بەرىلدى. سونداي-اق، 10 كۇن مەرزىم ىشىندە كەمشىلىكتەردى رەتكە كەلتىرۋ بويىنشا تاپسىرما بەرىلدى. جالپى اۋدان اۋماعىندا 939 كاسىپكەرلىك نىسان ورنالاسقان.
تەكسەرۋ جۇمىستارىنىڭ بارىسىندا ق ر «ءتىل تۋرالى» زاڭىنىڭ 21- بابىندا كورسەتىلگەن تالاپتارعا ساي كەلمەيتىن ءبىرقاتار كورنەكى اقپارات ماتىندەرى انىقتالدى. كەمشىلىكتەر انىقتالعان مەكەمە باسشىلارىمەن ءتۇسىندىرۋ جۇمىستارى جۇرگىزىلىپ، ۇسىنىستار بەرىلدى. سونداي-اق، بارلىق ساۋدا ورىندارىندا ەكى تىلدە قىزمەت كورسەتۋ، ولاردىڭ ماڭدايشالارى مەن مازىرلەرىنىڭ زاڭ تالاپتارىنا سايكەستەندىرۋ كەرەكتىگى ءتۇسىندىرىلدى.
پىكىر قالدىرۋ