بۇگىن الماتى اۋەجايىندا كولىكپەن سوقتىعىسقان ۇشاقتا  "قايرات" فۋتبول كلۋبىنىڭ جاتتىقتىرۋشىلارى مەن فۋتبولشىلارى وتىرعانى بەلگىلى بولدى،  دەپ حابارلادى Zakon.kz سايتى.

– راسىمەندە "قايرات" فۋتبول كلۋبىنىڭ فۋتبولشىلارى مەن جاتتىقتىرۋشىلار شتابى بورتتا بولدى. ابىروي بولعاندا ەشكىم زارداپ شەكپەدى. كوماندا ءبىراز ۋاقىت ۇشاقتا وتىردى، سودان كەيىن كلۋبتىڭ بازاسىنا كەتتى. كەشكە 24 قازان، جەكسەنبى كۇنى وتەتىن "قايرات" - "استانا" ماڭىزدى ماچىنىڭ الدىنداعى جاتتىعۋ بولادى، – دەدى "قايرات" فك باسپا ءسوز قىزمەتى.

ودان بولەك، كلۋبتىڭ باسپا ءسوز قىزمەتى فۋتبولشىلار مەن جاتتىقتىرۋشىلار باكۋدەن ۇشىپ كەلگەنىن ايتا كەتتى. ولار كونفەرەنسيا ليگاسىنىڭ توپتىق كەزەڭىندە "قاراباققا" قارسى كەزدەسۋ وتكىزگەن.

بۇگىن الماتى اۋەجايىندا ءۇشاق پەن كولىك سوقتىعىسقان. كولىكتەگى پوليسيا دەپارتامەنتىنىڭ مالىمەتىنشە، اتالعان فاكتىگە قاتىستى قىلمىستىق كودەكستىڭ 344-بابى، 1-بولىگى (اۋە كولىگى ءجۇرىسى نەمەسە ونى پايدالانۋ قاۋىپسىزدىگى قاعيدالارىن بۇزۋ) بويىنشا سوتقا دەيىنگى تەرگەۋ باستالدى.