بۇگىن د.قونايەۆ داڭعىلى كولىك قوزعالىسىنا اشىلدى. قالا تىنىسى ءۇشىن ماڭىزدى بولىپ تابىلاتىن نىساننىڭ قۇرىلىسى مەرزىمىنەن 1 جىلعا قىسقارىپ، پايدالانۋعا بەرىلىپ وتىر.

اپتانىڭ ءار سەنبىسىن قۇرىلىس نىساندارىن قاداعالاۋعا ارناعان مۇرات ايتەنوۆ، رىسقۇلوۆ-قونايەۆ جولايرىق قۇرىلىسىنىڭ بىتكەن جۇمىستارىن تاعى ءبىر پىسىقتاپ ءوتتى.

كولىك كەپتەلىسى – قالا تىرشىلىگىنىڭ ىرعاعى مەن ەكونوميكاسىنا تىكەلەي اسەرىن اتاپ وتكەن قالا باسشىسى د.قونايەۆ داڭعىلى قۇرىلىس مەرزىمىن بارىنشا قىسقارتۋدىڭ ماڭىزدىلىعىنا دا توقتالدى.

«ءىرى جولايرىق سالۋ – ۇلكەن قالالارعا ءتان قۇبىلىس. بۇل نىسان قۇرىلىسى بارىسىندا كوپتەگەن قيىندىقتار بولدى. ينجەنەرلىك جۇيەلەرى، ياعني، سۋ، گاز، ەلەكتر جارىعى، بايلانىس جەلىلەرى اۋىستىرىلدى. قۇرىلىس ماڭىنداعى كوشەلەردە كولىك وتكىزگىشتىگى شەكتەن اسىپ، كەپتەلىستەر ورىن الىپ جاتتى. بۇل ارينە تۇرعىندارعا قولايسىزدىق تۋعىزدى. مەرزىمىنەن ەرتە اياقتاۋ سەبەبىمىز دە وسى. جالپى قالاداعى كولىك كەپتەلىسىن ازايتۋ ماقساتىندا كەزەڭ-كەزەڭىمەن وسى سىندى 5 جولايرىق سالىناتىن بولادى»،-دەدى م. ايتەنوۆ.

بۇگىنگى اشىلعان د.قونايەۆ داڭعىلىنىڭ اشىق توننەل ارقىلى جەر استى ءوتۋ بولىگىندە الداعى ۋاقىتتا جاياۋ جۇرگىنشىلەر جولى سالىناتىنىن بولادى. قالا باسشىسى جاياۋ جۇرگىنشىلەر جولى جوبادا قاراستىرىلماعانمەن ونى سالۋ قاجەت ەكەنىن اتاپ ءوتتى.

سونىمەن بىرگە اكىم قازان ايىنىڭ 25-نە دەيىن ت. رىسقۇلوۆ كوشەسىنىڭ ءبىر تاراپى، ەكىنشى بولىگى قاراشا ايىنىڭ سوڭىندا پايدالانۋعا بەرىلەتىنىن جەتكىزدى.

نىسان قۇرىلىسىنا جاۋاپتى مەردىگەر - «Bazis Construction» جشس-گى. جولايرىقتىڭ جالپى ۇزىندىعى د.قونايەۆ داڭعىلى بويىنشا - 1 030 م، ال ت.رىسقۇلوۆ كوشەسى بويىنشا - 684،7 م. جولدىڭ ەنى - 45 مەتر.

جالپى جول ايرىقتىڭ كولىك وتكىزگىشتىگى تاۋلىگىنە 141 720 قۇرايتىن بولادى. وسىلايشا قالاداعى كولىكتەر تىعىنى ەداۋىر ازاياتىن بولادى.