شىمكەنت قالاسىنىڭ اكىمى مۇرات ايتەنوۆ اۋىل شارۋاشىلىعى ماقساتىنداعى 3 كانالدىڭ كۇردەلى جوندەۋ جۇمىسىمەن تانىستى.

كانالداردىڭ جوندەۋ جۇمىسىن قاداعالاعان قالا باسشىسى مەردىگەرلەرگە جۇمىستىڭ ساپاسىنا جانە بەتونداۋدىڭ تەحنولوگيالىق تالاپتارىن ساقتاۋدىڭ ماڭىزدىلىعىنا توقتالدى. سونىمەن بىرگە نىسان قۇرىلىسىن مەرزىمىندە اياقتاۋدا جۇمىس كۇشىن ارتتىرۋدى تاپسىردى.

كانالدار قالاعا سۋ جەتكىزۋدىڭ نەگىزگى ارتەريالارى بولىپ تابىلادى.
ولاردى كۇتىپ ۇستاۋ مەن ءتيىمدى پايدالانۋ اسا ماڭىزدى.

كۇردەلى جوندەۋ جۇمىستارىڭ جالپى ۇزىندىعى 35،5 شاقىرىمدى قۇرايدى.

جوندەۋ جۇمىستارى اياقتالعان سوڭ 1 743 گەكتار سۋارمالى جەر قايتا اينالىمعا قوسىلىپ، اۋىل شارۋاشىلىعىنىڭ ءونىم ءوندىرۋ كولەمى ارتادى.

جالپى شىمكەنت قالاسى بويىنشا 34 كانال بار. ونىڭ ىشىندە اۋىلشارۋاشىلىعى ماقساتىندا پايدالانۋداعى 27 كانال، قالانىڭ ىشىندەگى يرريگاسيالىق ماقساتتا پايدالانۋدا 7 كانال.

الداعى 4 جىلدا جالپى 195،74 شاقىرىمدى قۇرايتىن 22 كانالعا كۇردەلى جوندەۋ جۇمىستارىن جۇرگىزۋ جوسپارلانۋدا. ناتيجەسىندە 5 172 گەكتار سۋارمالى جەرلەردى قايتا اينالىمعا قوسۋ كۇتىلۋدە.