شىمكەنت قالاسىندا بيىل 182 كوشە مەن 21،9 شاقىرىمدىق 9 ماگيسترالدى كوشەدە ورتاشا جوندەۋ جۇمىستارى قولعا الىنعان.
قالا اكىمى م.ايتەنوۆ جول قۇرىلىسى نىساندارىنىڭ ءبىرقاتارىن ارالاپ، جۇمىس بارىسىن باقىلادى.
- ورتاشا جوندەۋ جۇمىستارى جۇرگىزىلىپ جاتقان نىساننىڭ ءبىرى – قالا ورتالىعىنداعى ب.مومىش ۇلى كوشەسى. بۇگىندە قۇرىلىس جۇمىستارىنىڭ 95 پايىزى بىتكەن. بۇل كوشەدە ورتاشا جوندەۋ جۇمىستارى 2007 جىلى جۇرگىزىلگەن بولاتىن.
سونىمكەن قاتار م.ايتەنوۆ ت.رىسقۇلوۆ كوشەسىنە باردى.
قالا اكىمى م.ايتەنوۆ جول قۇرىلىسى نىساندارىنىڭ ءبىرقاتارىن ارالاپ، جۇمىس بارىسىن باقىلادى.
- ت.رىسقۇلوۆ كوشەسى - كولىك اعىنىنىڭ قارقىندىلىعىنا بايلانىستى جانە قالانى وزگە ەلدىمەكەندەرمەن بىرىكتىرەتىندىكتەن باستى ماگيسترالدى كوشەلەردىڭ ءبىرى بولىپ تابىلادى. بايتۇرسىنوۆ كوشەسىنەن ءال-فارابي كوشەسىنە دەيىنگى ارالىقتا ورتاشا جوندەۋ جۇمىستارى وتكەن جىلدىڭ مامىر ايىندا باستالعان. ءتورت جولاقتى كوشەنىڭ جالپى ۇزىندىعى 4،1 شاقىرىم. جول نىسانىندا جاياۋ جۇرگىنشىلەر مەن ۆەلوسيپەد جولدارى توسەلگەن. جۇمىستار كەستەگە جانە جوعارى ستاندارتقا ساي جۇرگىزىلىپ كەلەدى.
ايتا كەتەيىك، ءال-فارابي كوشەسىنىڭ جالعاسى بويىنشا جۇرگىزىلىپ جاتقان قۇرىلىس جۇمىستارى كەستەگە ساي اتقارىلۋدا. قالا اكىمى مۇرات ايتەنوۆ قۇرىلىس بارىسىن باقىلادى. سالا جەتەكشىلەرىنە جولدىڭ ساپالى سالىنۋىن قاداعالاۋدى تاپسىردى.
كوشەنىڭ جالپى ۇزىندىعى 7،6 شاقىرىم، ەنى 43 مەتر. جولدىڭ ءجۇرىس بولىگى – 4 جولاقتى. قازىرگى ۋاقىتتا اسفالت توسەۋ جۇمىستارى قولعا الىنعان. جالپى قۇرىلىس جۇمىستارىنىڭ 95 پايىزى ورىندالدى.
كوشە بويىندا 6،35 مەترلى جولاقتى ءبولىپ تۇراتىن جاسىل ايماق، ارىق، 3 مەترلىك جاياۋ جۇرگىنشى جولى، 4،5 مەترلىك جولدىڭ ەكى جاعىنان جاسىل ايماق قاراستىرىلعان.
ءال-فارابي كوشەسى تەمىرلان تاس جولىنداعى كولىك تىعىنىن ازايتۋ ءۇشىن بالامالى جول بولىپ ەسەپتەلەدى.
پىكىر قالدىرۋ