قالا اكىمى تانىسقان قۇرىلىس نىساندارىنىڭ ءبىرى - ا-2 «الماتى – تاشكەنت» اۆتوموبيل جولىنىڭ قايتا قۇرۋ جۇمىستارى بولدى. قۇرىلىس مەرزىمى 2018-2024 جىلدار ارالىعىنا جوسپارلانعان جوبا جالپى 8 كەزەڭنەن تۇرادى.

1 كەزەڭ - ق.تولەمەتوۆ كوشەسىنەن ىنتىماق ش/ا دەيىنگى ارالىق. بۇگىندە جەر جۇمىستارى، جول نەگىزدەرىن توسەۋ، جول جامىلعىسىن سالۋ، كارىز جۇيەسىن اۋىستىرۋ، اياقجول سالۋ، جارىقشام باعانالارىن ورناتۋ، ارىق جۇيەلەرىن ورناتۋ جۇمىستارى جۇرگىزىلدى. ءبىرىنشى كەزەڭ وسى جىلدىڭ سوڭىندا اياقتالادى دەپ جوسپارلانعان، قازىرگى ۋاقىتتا 90% جۇمىس اتقارىلدى.

2 كەزەڭ – ىنتىماق ش/ا تەمىرلان تاس جولىنا دەيىنگى ارالىق. جالپى ۇزىندىعى 2،5 شاقىرىم، ەنى 80 مەتر، 4 جولاقتى. قازىرگى ۋاقىتتا جۇمىس 60 پايىزعا ورىندالعان، 2022 جىلعا وتپەلى.

3 كەزەڭ – جاناتالاپ ەلدى-مەكەنىندەگى بۇرىلىستان كەيىنگى بادام وزەنى كوپىر جۇيەسى 100% اياقتالعان.

4 كەزەڭ – تەمىرلان تاس جولىنان بادام وزەنىندەگى كوپىرگە دەيىن. جالپى ۇزىندىعى 1،86 شق قۇرايدى. اۆتوموبيل جولىنىڭ ەنى 35،5 مەتر، 6 جولاقتى. قۇرىلىس جۇمىستارى باستالدى، جولدى 2022 جىلعا اياقتاۋ جوسپارلانعان.

اۆتوموبيل جولىنىڭ ءتورت كەزەڭىندە دە ەكى جاعىنان سۋ اعاتىن ارىق، جاسىل ايماق، تراتۋار، جارىق شامدار ورناتۋ كوزدەلگەن.

بۇل جولداردىڭ قۇرىلىسى اياقتالعاندا قالاداعى كولىك كەپتەلىسى ازايادى جانە قاناعاتتانارلىق جاعدايداعى ساپالى جولدار ۇلەسى ارتادى.