COVID-19 ينفەكسياسىنا شالدىعىپ، وكپەسىنىڭ 62 پايىزى زاقىمدالىپ اۋرۋحاناعا تۇسكەن 72 جاستاعى اجەي ءقاۋىپتى ينفەكسيانى جەڭىپ شىقتى. ناۋقاسقا دارىگەرلەر ءبىر ايعا جۋىق حاتتاما بويىنشا ەم كورسەتتى.
1949 جىلعى قالا تۇرعىنى مىرزالييەۆا شاراپات وتە اۋىر حالدە 14ء-شى قىركۇيەك كۇنى قالالىق جۇقپالى اۋرۋلار ورتالىعىنا كەلىپ تۇسكەن. كەلگەن كەزدەگى جاعدايى بويىنشا قانداعى وتتەگى مولشەرى، ياعني ساتۋراسياسى 50-دەن تومەن بولعان. دارىگەرلەر ناۋقاستى جاساندى تىنىس الۋ اپپاراتىنا قوسىپ، شۇعىل ەمدىك شارالارىن جۇرگىزگەن.
قارت كىسىنىڭ ارتەريالىق قان قىسىمى جانە اسقازان مەن باۋىردا قوسالقى اۋرۋلارى بار. كومپيۋتەرلىك توموگرافيا تەكسەرۋ ناتيجەسىندە ناۋقاستىڭ وكپەسى 62 پايىز زاقىمدالعانى انىقتالعان.
«تۇسكەن كەزدە جاعدايى وتە اۋىر بولدى. ساتۋراسياسى نە ءبارى 50ء-دى قۇرادى. ودان بولەك قوسىمشا اۋرۋلارى بار ەدى. ناۋقاسقا حاتتاما بويىنشا تولىق ەم كورسەتىلدى. قازىرگى جاعدايى جاقسى. وزدىگىنەن دەم الۋدا. قانداعى وتتەگى مولشەرى ورنىنا كەلدى. اپا تولىق ەمدەلىپ ۇيىنە ورالدى»،-دەيدى بەكەن سىربەك ۇلى.
كوماندا بولىپ بىرلەسىپ جۇمىس اتقارعان مەديسينا ماماندارىنىڭ ەمىنىڭ ناتيجەسىندە اجەي ءقاۋىپتى ينفەكسيادان تولىعىمەن ساۋىعىپ شىقتى. جاعدايى جاقسارعان ناۋقاستى دارىگەرلەر اۋرۋحانادان ۇيىنە شىعاردى.
پىكىر قالدىرۋ