شىمكەنت قالاسىنداعى اقنازار حان كوشەسىندە ورتاشا جوندەۋ جۇمىسى ءساۋىر ايىندا باستالعان بولاتىن. بۇگىندە قۇرىلىستىڭ 50 پايىزى اياقتالىپ، پايدالانۋعا بەرۋ مەرزىمى كۇزدىڭ سوڭعى ايىنا جوسپارلانعان.

جوندەۋ جۇمىستارىن «بازيس-ك» ءجشس-ى اتقارۋدا. جالپى ۇزىندىعى 2،28 شاقىرىمدى قۇرايدى. جولدىڭ تومەنگى تۇزەتۋ قالىڭدىعى 4 سم بولسا، ال اسفالت بەتوننىڭ بەتكى قاباتى 5 سم ەتىپ توسەلەدى.

بۇل كوشەدە سوڭعى جوندەۋ جۇمىسى 2011 جىلى جۇرگىزىلگەن. جولاۋشىلار كولىگى جانە اۆتومابيل جولدارى باسقارماسىنىڭ مالىمدەۋىنشە، قالاداعى ماگيسترالدى كوشەلەردى جوندەۋدىڭ ارالىق مەرزىمى بەس جىلدى قۇرايدى.

زەردەلەۋ جۇمىسى ناتيجەسىندە كوشەدە بورديۋرلاردى اۋىستىرۋ قاجەتتىلىگى تۋىنداعان. جاڭادان توسەلەتىن اسفالتوبەتون ەسكى جولدان 3-4 سم جوعارى بولادى. ءبورديۋردىڭ قاۋىپسىزدىك 15 سم بيىكتىگىن ساقتاۋ ماقساتىندا جاڭاسىنا اۋىستىرىلادى.

وسى جىلى قالادا بارلىعى 182 كوشە ورتاشا جوندەۋدەن وتكىزىلۋدە.