ءال-فارابي اۋدانىنداعى «ايقاپ» شاعىناۋدانىندا شىمكەنت قالاسى توتەنشە جاعدايلار دەپارتامەنتىنىڭ اۆاريالىق-قۇتقارۋ قىزمەتى سەيسميكالىق وقۋ-جاتتىعۋ ءىس-شاراسىن وتكىزدى.
وقۋ-جاتتىعۋ بارىسىندا اپات ايماعىنان ەۆاكۋاسيالاۋدىڭ تەوريالىق جانە پراكتيكالىق داعدىلارى پىسىقتالدى. وقۋ-جاتتىعۋ جوسپارى بويىنشا جەر سىلكىنىسى كەزىندە كوپقاباتتى تۇرعىن ۇيلەردىڭ تۇرعىندارى ءقاۋىپسىز جەرگە ەۆاكۋاسيالاندى.
اۆاريالىق-قۇتقارۋ قىزمەتتەرىنىڭ، ازاماتتىق قورعاۋ بولىمشەلەرىنىڭ جانە جالپى تج قىزمەتكەرلەرىنىڭ ءوزارا ءىس-قيمىل دەڭگەيى، تابيعي جانە تەحنوگەندىك سيپاتتاعى توتەنشە جاعداي تۋىنداعان كەزدەگى ولاردىڭ جۇمىسىنىڭ تيىمدىلىگى باعالاندى.
شىمكەنت قالاسىندا بەكىتىلگەن جوسپارعا سايكەس، بارلىق جالپى ءبىلىم بەرەتىن مەكتەپتەردە، تۇرعىن الاپتاردا، كوپقاباتتى تۇرعىن ۇيلەردە سەيسميكالىق وقۋ-جاتتىعۋ جۇرگىزىلۋدە.
ءىس-شارا ىقتيمال جەر سىلكىنىستەرى كەزىندەگى ءىس-قيمىلداردى پىسىقتاۋ، ادامداردى ەۆاكۋاسيالاۋ، زارداپ شەككەندەرگە كومەك كورسەتۋ، جەر سىلكىنىسىنىڭ سالدارىن جويۋدى ماقسات ەتكەن.
پىكىر قالدىرۋ