شىمكەنت قالاسىنىڭ 2021-2025 جىلدارعا ارنالعان دامىتۋ باعدارلاماسى جاڭا فورماتتا ازىرلەندى. بۇل تۋرالى اقپاراتتىق-كوممۋنيكاسيالىق ورتالىعىندا وتكەن بريفينگ بارىسىندا قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ر.مۇلكەمانوۆ ءمالىم ەتتى.
ونىڭ ايتۋىنشا، اتالعان قۇجات ەلدىڭ جوعارى تۇرعان ستراتەگيالىق قۇجاتتاردا ايقىندالعان باسىمدىقتاردى وڭىرلەردە ىسكە اسىرۋ ماقساتىندا ازىرلەنەدى.
«باعدارلاما جوباسىن ازىرلەۋ بارىسىندا قالا تۇرعىندارى اراسىندا ساۋالناما جۇرگىزىلىپ، قالاداعى نەگىزگى پروبلەمالار مەن دامۋ باعىتتارى انىقتالدى. تۇرعىنداردىڭ كوپشىلىگى قالانىڭ ينجەنەرلىك-كولىك جانە الەۋمەتتىك ينفراقۇرىلىمدى دامىتۋ، قالانى اباتتاندىرۋ، تۇرعىن ۇيمەن قامتۋ جانە ەكولوگيالىق جاي-كۇيىن جاقسارتۋدىڭ قاجەتتىگىن اتاپ ءوتتى. بۇل ۇسىنىستار باعدارلاما جوباسىنا ەنگىزىلدى»،-دەدى باسقارما باسشىسى.
ەكونوميكا جانە بيۋدجەتتىك جوسپارلاۋ باسقارماسىمەن 5 جىلدىق كەزەڭگە ارنالعان قالانىڭ الەۋمەتتىك-ەكونوميكالىق دامۋ بولجامىنىڭ جوباسىن ازىرلەۋ مەن قالانىڭ بيۋدجەتىنە تۇسەتىن تۇسىمدەردى بولجاۋ جاسالادى.
پىكىر قالدىرۋ