الەۋمەتتىك جەلىدە شىمكەنتتەگى "قىرعى بازارىنىڭ" كىرەبەرىسىندە 3-4 كەلى جاڭعاق ساتىپ وتىرعان اجەگە ەكى پوليسەي كەلىپ، زاڭسىز ساۋدا جاساعانىنا ايىپپۇل سالماق بولعان ۆيدەو تاراپ جاتىر. ۆيدەونى Aqparat.kz الەۋمەتتىك پاراقشاسى جاريالادى.
وقيعا 24 قازان كۇنى بولعان. ۆيدەودان پوليسەيلەر اجەيگە "ايىپپۇل سالامىز" دەپ، دورەكەلىك كورسەتىپ، تەلەفونىن تارتىپ العانىن كورۋگە بولادى. قۇزىرلى ورگانداردىڭ ارەكەتى بازار حالقىنىڭ اشۋىنا ءتيىپ، ولارعا نارازىلىق ءبىلدىردى.
"بۇگىن شىمكەنتتەگى "قىرعى بازارىنىڭ" كىرەبەرىس جەرىندە 3-4 كەلى جاڭعاق ساتىپ وتىرعان اجەگە ەكى پوليسەي كەلىپ، زاڭسىز ساۋدا جاساعانىنا ايىپپۇل سالماقشى بولدى. اجەمىز پوليسەيلەردەن قورىقسا كەرەك، ۇلىنا حابارلاسپاقشى بولعاندا تەلەفونىن دا الىپ قويعان كورىنەدى" دەلىنگەن ۆيدەو سيپاتتاماسىندا.
پوسموترەت ەتۋ پۋبليكاسيۋ ۆ Instagram
پوسموترەت ەتۋ پۋبليكاسيۋ ۆ Instagram
وقيعاعا قاتىستى شىمكەنت پوليسياسى پىكىر ءبىلدىردى.
"بۇل جايت ءال-فارابي اۋدانى اۋماعىندا بەلگىلەنبەگەن ورىندا جاسالعان ساۋدا دەرەكتەرىنىڭ الدىن الۋ ماقساتىندا پوليسيا قىزمەتكەرلەرى جۇرگىزگەن رەيد كەزىندە بولعان. قازىرگى ۋاقىتتا ۆيدەودا كورسەتىلگەن ءال-فارابي اپب قىزمەتكەرلەرىنە قاتىستى قىزمەتتىك تەكسەرۋ تاعايىندالدى. تەكسەرۋ جۇمىستارى اياقتالعاننان كەيىن پوليسيا قىزمەتكەرلەرى ءتيىستى تارتىپتىك جاۋاپكەرشىلىككە تارتىلادى" دەلىنگەن حابارلامادا.
پىكىر قالدىرۋ