جۇڭگو ءتوراعاسى سي سزينپين ەلدىڭ بۇۇ-عا مۇشە بولعانىنا 50 جىل تولۋىن اتاپ ءوتىپ، جاھاندىق ىنتىماقتاستىقتى نىعايتۋعا شاقىردى.
جۇڭگو بۇۇ-نىڭ نەگىزىن قالاۋشى جانە مۇشەسى بولعان، ءبىراق قىتايداعى ازاماتتىق سوعىسقا بايلانىستى اقش بەيجىڭنىڭ 1971 جىلعا دەيىن بۇۇ-عا مۇشە بولۋىنا تىيىم سالعان. سەبەبى قىتايدا بۇرىنعى ۇكىمەت قۇلاپ، ولار تايۆانعا شەگىندى دە، بەيجىڭدەگى جاڭا بيلىككە كوممۋنيستەر كەلدى.
سي جيىندا الەمدى جاھاندىق ىنتىماقتاستىققا شاقىردى.
"تەرروريزم، كليماتتىڭ وزگەرۋى جانە كيبەرقاۋىپسىزدىك سياقتى ماسەلەلەر كوپجاقتى شەشىمدەردى قاجەت ەتەدى" دەدى ول.
سي تايۆان ماسەلەسى تۋرالى ايتپادى.
تايۆانداعى بيلىك 1971 جىلعا دەيىن بۇۇ قاۋىپسىزدىك كەڭەسىنىڭ تۇراقتى مۇشەسى بولعان. بەيجىڭ بۇۇ-عا قوسىلعاننان كەيىن تايۆان بۇۇ-داعى ورنىنان ايىرىلدى.
جۇڭگو تايۆاندى ءوزىنىڭ پروۆينسياسى رەتىندە قاراستىرسا، تايۆان ءوزىن ەركىن جانە تاۋەلسىز ەل دەپ سانايدى.
پىكىر قالدىرۋ