شىمكەنتتە «ۇلى جىبەك جولى تاريحىنداعى شىمكەنتتىڭ يۋنەسكو-نىڭ مادەني مۇرا جۇيەسىندەگى ورنى مەن ءرولى» اتتى حالىقارالىق كەزدەسۋ وتۋدە.

ەل تاۋەلسىزدىگىنىڭ 30 جىلدىعى قارساڭىندا ۇيىمداستىرىلعان ءىس-شاراعا قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى قاتىستى.

ۇيىمداستىرۋشىلار -. قازاقستان رەسپۋبليكاسى مادەنيەت جانە سپورت مينيسترلىگىنىڭ، قازاقستان، قىرعىزستان، تاجىكستان جانە وزبەكستان بويىنشا الماتىداعى يۋنەسكو كلاستەرلىك بيۋروسىنىڭ قولداۋىمەن شىمكەنت قالاسىنىڭ اكىمدىگى.

كەزدەسۋدە ورتالىق ازيا ەلدەرىنىڭ بەلگىلى تاريحشىلارى مەن ارحەولوگتارى، مادەنيەت جانەسپورت مينيسترلىگىنىڭ ساراپشىلارى، م.اۋەزوۆ اتىنداعى وقۋ-دىڭ عالىمدارى قالامىزدىڭ ۇلى جىبەك جولى تاريحىنداعى ءرولىن، ونىڭ ورتالىق ازيا كارتاسىنداعى بىرەگەيلىگىن جانە شىمكەنتتىڭ تاريحي نىساندارىن يۋنەسكو-نىڭ دۇنيەجۇزىلىك مۇرا تىزىمىنە ەنگىزۋ مۇمكىندىگىن تالقىلاۋدا.

كەزدەسۋگە قاتىسۋشىلار ءبىرىنشى كۇنى «شىمقالا» تاريحي-مادەني كەشەنىنە بارىپ، مۋزەيلەندىرۋ، كونسەرۆاسيالاۋ جانە رەنوۆاسيالاۋ جۇمىستارىمەن، ەسكى قالانى دامىتۋ جوباسىمەن تانىستى. سونداي-اق، «شىمقالا» ەتنواۋىلىندا «بەس قارۋ» ەتنوفەستىنىڭ اشىلۋىنا قاتىستى.

باتىرلار  ينستيتۋتىن قالىپتاستىرۋ مەن ناسيحاتتاۋ ماقساتىندا ۇيىمداستىرىلىپ وتىرعان ەتنوفەستيفال اياسىندا «وڭتۇستىك قازاقستان سۋرەتشى جاستارى» بىرلەستىگىنىڭ وكىلدەرى ۇسىنعان ساحنالىق كورىنىستى تاماشالاپ،  «بەس قارۋ» ەكسپوزيسياسى مەن جىرشىلاردىڭ ورىنداۋىنداعى باتىرلار جىرىن تىڭدادى.

ايتا كەتەيىك، ءال-فارابي كىتاپحاناسىندا وتەتىن حالىقارالىق كەزدەسۋدىڭ رەسمي اشىلۋىندا شىمكەنت قالاسىنىڭ اكىمى مۇرات ايتەنوۆ، مادەنيەت جانەسپورت ۆيسە-ءمينيسترى نۇرعيسا داۋەشوۆ، الماتىداعى يۋنەسكو كلاستەرلىك بيۋروسىنىڭ ديرەكتورى كريستا پيككات، قازاقستان رەسپۋبليكاسىنىڭ فرانسياداعى جانە موناكو كنيازدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يۋنەسكو جانىنداعى تۇراقتى وكىلى جان عالييەۆ، قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ باس حاتشىسى ءاليا بايسابايەۆا، «جىبەك جولى» جوباسىنىڭ ۇيلەستىرۋشىسى، يۋنەسكو دۇنيەجۇزىلىك مۇرا ورتالىعىنىڭ ازيا-تىنىق مۇحيتى سەكتورىنىڭ باسشىسى فەنگ دجينگ قۇتتىقتاۋ ءسوز سويلەيدى.

كەيىننەن «شىمكەنت قالاسىنىڭ تاريحي رەتروسپەكتيۆاسى جانە بولاشاعى»، «جىبەك جولىنىڭ تاريحي مادەني كەڭىستىگىندەگى شىمكەنت» جانە«شىمكەنت قالاسىنىڭ ارحەولوگياسى، ەتنوگرافياسى، مۋزەيتانۋى ماسەلەلەرى» تاقىرىپتارىندا ءۇش پلەنارلىق سەسسيا وتەدى.

ەكىنشى كۇنى فەرعانا-سىرداريا سەگمەنتىندەگى كوپۇلتتى جىبەك جولى نوميناسياسىنىڭ ساراپشىلارىنىڭ كەزدەسۋى جانە شىمكەنت اۋماعىنداعى نىسانداردى يۋنەسكو-نىڭ دۇنيەجۇزىلىك مۇرالار تىزىمىنە ەنگىزۋ بويىنشا ۆەبينار جوسپارلانعان، ونىڭ قورىتىندىسى بويىنشا ساراپتامالىق قورىتىندىلار مەن وبەكتىلەرد ءىبەدەلدى تىزىمگە ەنگىزۋ بويىنشا ۇسىنىستار جاسالادى دەپ كۇتىلۋدە.