فۋتبولشى كەيسۋكە حوندا قولداعان جاپوندىق ستارتاپ 680 000 دوللار تۇراتىن ۇشاتىن موتوسيكل –حوۆەربايكتى ساتىلىمعا شىعاردى.
توكيودا ورنالاسقان "XTurismo Limited Edition Technologies" دايىنداعان حوۆەربايك قوزعالتقىشپەن جانە باتارەيامەن جۇمىس ىستەيدى. ءتورت قوزعالتقىشپەن جابدىقتالعان موتو 100 كم/ساع جىلدامدىقپەن 40 مينۋت ۇشا الادى.
قارا جانە قىزىل ءتۇستى حوۆەربايك پروپەللەرلەردىڭ ۇستىندەگى موتوسيكل ءتارىزدى كورپۋستان تۇرادى.
"Mitsubishi Electric" جانە "Kyocera" سياقتى دەمەۋشىلەرى بار ستارتاپ فۋدزي تاۋىنىڭ جانىنداعى جارىس جولىندا حوۆەربايكتىڭ ۇشۋ سىناعىن كورسەتتى.
باس اتقارۋشى دايسۋكە كاتانو جاقىن ارادا ونى پايدالانۋ تەك وسىنداي جەرلەرمەن شەكتەلەتىنىن جانە جاپونيانىڭ جابىق جولدارى ارقىلى ۇشۋعا رۇقسات ەتىلمەيتىنىن ايتتى. "ءبىراق حوۆەربايكتى قۇتقارۋ توپتارى جەتۋ قيىن جەرلەرگە بارۋ ءۇشىن پايدالانۋعا بولادى" دەدى ول.
دەمەۋشىلىك قارجىلار وسىنداي تۇردەگى ستارتاپتارعا كاليفورنياداعى "Joby Aviation" كومپانياسىنان، يزرايلدەگى "AIR" كومپانياسىنان تۇسۋدە. ولار حوۆەربايك، دجەتپەك جانە ۇشاتىن تاكسيلەر سياقتى جەكە اۋە تاسىمالى ءداۋىرىن باستاۋعا ۋادە بەرەدى.
پىكىر قالدىرۋ