ومبۋدسمەن تۋرالى زاڭ جوباسى پرەزيدەنت باستاماشى بولعان ساياسي رەفورما اياسىندا ازىرلەندى. بۇل تۋرالى بۇگىن ءماجىلىستىڭ جالپى وتىرىسىندا «قازاقستان رەسپۋبليكاسى ادام قۇقىقتارى جونىندەگى ۋاكىل تۋرالى» زاڭ جوباسىن جانە وعان ىلەسپە تۇزەتۋلەرىن ماقۇلداۋ بارىسىندا ايتىلدى.
ءماجىلىس ءتوراعاسى نۇرلان نىعماتۋلين بۇل ەلىمىز ءۇشىن وتە ماڭىزدى، وتە قاجەتتى قۇجاتتاردىڭ ءبىرى ەكەنىن اتاپ ءوتتى.يوسى ەنگىزىلگەن وزگەرىستەردىڭ ناتيجەسىندە ومبۋدسمەننىڭ قىزمەتىن، وكىلدىگىن، جالپى ادام قۇقىقتارى جونىندەگى ۋاكىل ينستيتۋتىن نىعايتۋعا ناقتى قادام جاسالىپ وتىر. بۇل مەملەكەت جانە ازاماتتىق قوعام اراسىنداعى بايلانىستى ودان ءارى تەرەڭدەتۋگە جاڭا جول اشاتىنى ءسوزسىز ەكەنىن ايتتى.
نۇرلان نىعماتۋلين اتاپ وتكەندەي، ادام قۇقىقتارىنىڭ بۇزىلۋىن قالپىنا كەلتىرۋ بويىنشا ومبۋدسمەننىڭ وكىلەتتىكتەرى ايتارلىقتاي كەڭەيدى.
ايتا كەتۋ كەرەك، بۇگىندە ومبۋدسمەن ينستيتۋتىن ونىڭ قۇقىقتىق مارتەبەسىن، قىزمەتىنىڭ قاعيداتتارى مەن كەپىلدىكتەرىن، سونداي-اق ادامنىڭ جانە ازاماتتىڭ بۇزىلعان قۇقىقتارىن قالپىنا كەلتىرۋ جونىندەگى قۇزىرەتتى زاڭنامالىق دەڭگەيدە ناقتى ايقىنداۋ ارقىلى ودان ءارى دامىتۋ قاجەتتىگى جەتىلدىرىلدى.
پىكىر قالدىرۋ