ءماجىلىس دەپۋتاتى جامبىل احمەتبەكوۆ بىرىككەن اراب امىرلىكتەرىمەن ينۆەستيسيالىق ىنتىماقتاستىقتى دامىتۋ ءبىزدىڭ ەلىمىزگە ءتيىمدى ەكەنىن ايتتى. ويتكەنى، ول جاڭا كاسىپورىنداردىڭ اشىلۋىنا، وزىق تەحنولوگيالاردى ەنگىزۋگە جانە جاڭا جۇمىس ورىندارىن قۇرۋعا ىقپال ەتپەك.
دەپۋتاتتىڭ ايتۋىنشا، ينۆەستيسيالار شيكىزات سالالارىنا سالىنبايدى. اتاپ ايتقاندا، ەلىمىزدە جاڭارتىلاتىن ەنەرگەتيكانى دامىتۋمەن اينالىساتىن ەنەرگەتيكالىق حولدينگ قۇرۋ كوزدەلىپ وتىر.
ج. احمەتبەكوۆ اتاپ وتكەندەي، بۇكىل الەمدە «جاسىل وتكەل» دەپ اتالاتىن جانە ەكولوگيانىڭ جاي-كۇيىنە الاڭدايتىن ەلدەر جاڭارتىلاتىن وتىن ءۇشىن كومىرسۋتەكتەردەن باس تارتۋدا. كۇن، جەل ەلەكتر ستانسيالارىنىڭ كوبەيۋى ءبىزدىڭ ەلدىڭ باسەكەلەستىك ارتىقشىلىعى بولا الادى.
- جالپى، بۇل ينۆەستيسيالىق كەلىسىم وتاندىق بيزنەستى دامىتۋ ءۇشىن جاعدايدى ايتارلىقتاي جاقسارتادى جانە قازاقستاننىڭ ينۆەستيسيالىق تارتىمدىلىعىن ارتتىرادى دەپ ايتۋعا بولادى، - دەدى دەپۋتات.
پىكىر قالدىرۋ