الماتى وبلىسىنىڭ پوليسيا دەپارتامەنتى 27 قازان كۇنى پانفيلوۆ اۋدانى پەنجىم اۋىلىندا مەكتەپ وقۋشىلارى اراسىندا جانجال شىعىپ، سالدارىنان 16 جاستاعى ءجاسوسپىرىم دەنە جاراقاتىمەن اۋداندىق اۋرۋحاناعا تۇسكەنىن حابارلادى.
وقيعاعا بايلانىستى الەۋمەتتىك جەلىدە ءتۇرلى ۆيدەو مەن راستالماعان اقپارات تاراپ جاتىر. ءبىر ۆيدەودا مەكتەپ اۋلاسىندا وقۋشىلار توبەلەسكەنى كورىنسە، كەلەسى ۆيدەو تۇنگى ۋاقىتتا تۇسىرىلگەن. ول جەردەن ءبىر توپ ءجاسوسپىرىمنىڭ ارلى-بەرى جۇرگەنىن، تۇرعىنداردىڭ ۇرەيلى داۋسىن، دۇكەن ورتەنىپ، كولىك تەرەزەلەرىنىڭ سىنعانىن بايقاۋعا بولادى.
سونداي-اق الەۋمەتتىك جەلىدە كيكىلجىڭنىڭ ۇلتارالىق سيپاتى بارى تۋرالى اقپارات شىعىپ جاتىر. راستالماعان دەرەكتەر بويىنشا قازاق-ۇيعىر جاستارى اراسىندا قاقتىعىس بولعان.
پوليسيا دەپارتامەنتى تاراتقان حابارلامادا ول تۋرالى ەشتەڭە ايتىلمايدى.
"9-شى جانە 10-شى سىنىپ ەكى وقۋشىنىڭ اراسىندا اۋىزشا داۋ-داماي تۋىپ، ارتى وقۋشىلار اراسىنداعى توبەلەسكە ۇلاسقانى جانە ونىڭ سالدارىنان ءجاسوسپىرىمنىڭ زارداپ شەككەنى بەلگىلى بولدى. اتالعان فاكتى بويىنشا ق ر قك 106-بابىنىڭ 2-بولىگى نەگىزىندە قىلمىستىق ءىس تىركەلدى، جانجالعا قاتىسۋشىلاردىڭ بارلىعى انىقتالدى" دەلىنگەن اقپاراتتىق حابارلامادا سونداي-اق اۋىل ازاماتتارىمەن اۋدان اكىمى، اقساقالدار جانە الماتى وبلىسى پد باستىعى تاراپىنان كەزدەسۋلەر مەن ءتۇسىندىرۋ جۇمىستارى جۇرگىزىلگەنى ايتىلادى.
پوسموترەت ەتۋ پۋبليكاسيۋ ۆ Instagram
پوسموترەت ەتۋ پۋبليكاسيۋ ۆ Instagram
پىكىر قالدىرۋ