الماتى وبلىسى پانفيلوۆ اۋدانىنىڭ پەنجىم اۋىلىندا مەكتەپ وقۋشىلارى اراسىنداعى جانجالدا جاراقات العان 16 جاستاعى ءجاسوسپىرىمنىڭ جاعدايى بەلگىلى بولدى.

"2005 جىلى تۋعان بالا 27 قازاندا پانفيلوۆ اۋدانارالىق كوپسالالى اۋرۋحاناسىنا ءتۇستى. ناۋقاستىڭ جالپى جاعدايى اۋىر، اشىق باس سۇيەك-ميدىڭ اۋىر جاراقاتىن العان" دەلىنگەن الماتى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان حابارلامادا.

ءجاسوسپىرىم 2-3 دارەجەلى تراۆماتيكالىق شوك العان. ەسى بار.

27 قازاندا پانفيلوۆ اۋدانىنىڭ ورتالىق اۋرۋحاناسىنا پەنجىم كەنتىنىڭ مەكتەبى اۋماعىنان دەنە جاراقاتىمەن 16 جاستاعى ءجاسوسپىرىم تۇسكەن. تەكسەرۋ بارىسىندا جاراقاتقا 9-10-سىنىپ وقۋشىلارى اراسىنداعى توبەلەس سەبەپ بولعانى انىقتالدى.

اتالعان فاكتى بويىنشا، ق ر قك 106-بابى 2-بولىگى (دەنساۋلىققا قاساقانا اۋىر زيان كەلتiرۋ) بويىنشا قىلمىستىق ءىس قوزعالدى.

وقيعاعا بايلانىستى الەۋمەتتىك جەلىدە ءتۇرلى ۆيدەو مەن راستالماعان اقپارات تاراپ جاتىر. ءبىر ۆيدەودا مەكتەپ اۋلاسىندا وقۋشىلار توبەلەسكەنى كورىنسە، كەلەسى ۆيدەو تۇنگى ۋاقىتتا تۇسىرىلگەن. ول جەردەن ءبىر توپ ءجاسوسپىرىمنىڭ ارلى-بەرى جۇرگەنىن، تۇرعىنداردىڭ ۇرەيلى داۋسىن، دۇكەن ورتەنىپ، كولىك تەرەزەلەرىنىڭ سىنعانىن بايقاۋعا بولادى.

سونداي-اق الەۋمەتتىك جەلىدە كيكىلجىڭنىڭ ۇلتارالىق سيپاتى بارى تۋرالى اقپارات شىعىپ جاتىر. راستالماعان دەرەكتەر بويىنشا قازاق-ۇيعىر جاستارى اراسىندا قاقتىعىس بولعان.

پوليسيا دەپارتامەنتى تاراتقان حابارلامادا ول تۋرالى ەشتەڭە ايتىلمايدى.