22-23 قازان كۇندەرى حان ورداسى اۋىلىندا ق ر تاۋەلسىزدىگىنىڭ 30 جىلدىعى اياسىندا بوكەي حاندىعىنىڭ 220 جىل تولۋىنا وراي مادەني-سپورتتىق شارالار ءوتتى. جينالعان قاۋىم الدىمەن بيسەن جانەكەشيەۆ، مانشۇك مامەتوۆا جانە ۇلى وتان سوعىسىنا ساربازدارىنىڭ ەسكەرتكىشتەرىنە گۇل شوقتارىن قويىپ تاعزىم ەتتى.

ودان سوڭ سالتاناتتى جيىن باستاۋ الىپ، اۋدان اكىمى نۇرلىبەك داۋموۆ بارشا بوكەيلىكتەردى ايتۋلى كۇنمەن قۇتتىقتاپ، يگى تىلەكتەرىن ارناپ، الىس-جاقىننان كەلگەنمەيماندارعا قوش كەلدىڭىز ايتتى. ءوز كەزەگىندە بقو اكىمىنىڭ ورىنباسارى باقىتجان نارىمبەتوۆ وبلىس باسشىسى عالي يسقالييەۆتىڭ قۇتتىقتاۋىن جەتكىزدى. سونىمەن قاتار جانىبەك، كازتالوۆ، كورشىلەس رەسەي فەدەراسياسىنىڭ پاللاسوۆكا اۋدانى، ۆالەريي چكالوۆ اتىنداعى اسكەري پوليگوننىڭ وكىلدەرى دە لەبىزدەرىن ءبىلدىردى. ايتا كەتەلىك، جيىن بارىسىندا اۋدانىمىزدىڭ ەكونوميكالىق الەۋەتىنىڭ دامۋىنا سۇبەلى ۇلەس قوسقان، قوعامدىق ومىردە بەلسەندىلىگىمەن تانىلعان ءبىرقاتار جەرلەستەرگە "قۇرمەتتى ازامات" بەلگىسى تابىس ەتىلدى.

اتالمىش شارانىڭ رەسمي بولىگى بۇدان ارمەن "وردا-تۋعان مەكەنىم" اتتى مەرەكەلىك كونسەرتپەن جالعاستى. حان ورداسى مۋزەي قورىعىندا ح. بوكەيەۆا اتىنداعى وبلىستىق دراما تەاتر ۇجىمى ۇيىمداستىرعان ارنايى كورىنىس تە كورەرمەنگە زور اسەر سىيلادى. كەش سوڭى تۇرعىندارعا ارنالعان حالىق سەرۋەنىمەن اياقتالدى.

بوكەي حاندىعىنىڭ 220 جىلدىعىنا ارنالعان شارا ەكىنشى كۇنى دالا قىزىقتارىمەن ايشىقتالدى. سونداي-اق، اۋىلشارۋاشىلىق كورمەسى وتكىزىلىپ، تاي، الامان بايگە جانە ت. ب ۇلتتىق سپورت تۇرلەرىنەن جارىستار وزدىرىلدى.