شىمكەنتتە الەۋمەتتىك قورعاۋ جۇيەسىنىڭ قىزمەتكەرلەرى كاسىبي مەرەكەلەرىن اتاپ وتۋدە. الەۋمەتتىك سالا قىزمەتكەرلەرى قايعى-مۇڭ ارقالاعان ازاماتتاردىڭ قيىندىقتارىن جات ساناماي، ولاردى بىرگە جەڭۋگە بار كۇش-جىگەرلەرىن سالاتىن ماماندىق يەلەرى. الەۋمەتتىك قورعاۋ جۇيەسىن دامىتۋدا ايانباي ەڭبەك ەتىپ، مۇقتاج جانداردىڭ يگىلىگى ءۇشىن تەر توككەن سالا ماماندارى قاشاندا قۇرمەتكە لايىق.

كوپ بالالى وتباسىلار، مۇمكىندىگى شەكتەۋلى جاندار جانە وزگە دە ءومىردىڭ قيىنشىلىقتارىنا تاپ بولعان ادامدار سالا قىزمەتكەرلەرىنىڭ مەيىرىمدىلىك پەن قايىرىمدىلىق، توزىمدىلىك جانە ءاردايىم قول ۇشىن بەرۋگە دايىن ەلگەزەكتىك سياقتى ادامي قاسيەتتەرىنىڭ ارقاسىندا ءوز مۇمكىندىكتەرىنە سەنىپ، قيىندىقتاردى جەڭىپ كەلەدى.

ايتا كەتسەك، شىمكەنت قالاسى بويىنشا قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى 10 مەكەمەدەگى 1200-گە جۋىق الەۋمەتتىك قىزمەتكەرلەر كۇندەلىكتى 2176 مۇگەدەكتىگى بار ازاماتتارعا، مۇقتاج ادامدارعا، الەۋمەتتىك وسال توپتارعا، ونىڭ ىشىندە 438 مۇگەدەك بالالارعا ارناۋلى الەۋمەتتىك قىزمەت كورسەتۋدە.