مەديسينادا ادام ءومىرى ءۇشىن اسا ماڭىزدى ينسۋليندى ينەلەر ەندى وزىمىزدە وندىرىلەدى. «تاسساي» يندۋستريالدى ايماعىندا ورنالاسقان «GREEN CROSS ECO» ج ش س جىلىنا 200 ملن دانا شپريستەرگە ارنالعان ينسۋليندى ينەلەر وندىرۋگە قاۋقارلى.
مەديسينادا ادام ءومىرى ءۇشىن اسا ماڭىزدى ينسۋليندى ينەلەر ەندى وزىمىزدە وندىرىلەدى. «تاسساي» يندۋستريالدى ايماعىندا ورنالاسقان «GREEN CROSS ECO» ج ش س جىلىنا 200 ملن دانا شپريستەرگە ارنالعان ينسۋليندى ينەلەر وندىرۋگە قاۋقارلى.
بۇرىن ينسۋليندى ينەلەر شەتەلدەن اكەلىنەتىن. جاڭا باعىتتاعى ءوندىرىس ورنى ءوزىمىزدى قامتىپ قانا قويماي، شەتەل نارىعىنا شىعارۋدى كوزدەۋدە. جوبا قۇنى - 500 ملن تەنگە. 55 جاڭا جۇمىس ورنى قۇرىلادى. ءوندىرىس ورنىن 2020-2021 جىلدارى ىسكە اسىرۋ مەجەلەنگەن. بۇگىندە قۇرىلىس مونتاج جۇمىستارى 100 % تولىق اياقتالدى. ءقازىر قۇرىلعىلاردى ورناتۋ جۇمىستارى اتقارىلۋدا.
قالا اكىمى كاسىپورىننىڭ قازىرگى جاعدايىمەن جانە بولاشاق جوسپارلارىمەن تانىستى. – شىعارىلاتىن ونىمدەرگە سۇرانىس بار. وزىمىزدە وندىرىلگەن فارماسيەۆتيكا ونىمدەردى كەڭىنەن قولداۋ قاجەت – دەدى قالا اكىمى. جاڭا كاسىپورىن مەديسينالىق بۇيىمدار وندىرىسىنە وسىلايشا سەرپىن بەرمەك. شاھار باسشىسى بۇل باعىتتا جەرگىلىكتى كادرلاردى دايارلاۋ جانە جۇمىسقا تارتۋدىڭ ماڭىزىنا دا توقتالىپ ءوتتى.
پىكىر قالدىرۋ