شىمكەنت قالاسىندا «Dala kilemderi» كورمە جارمەڭكەسى 2016 جىلدان باستاپ وتكىزىلىپ كەلەدى. بيىل دا «Bal Tekstil» كومپانياسىنىڭ ۇيىمداستىرۋىمەن 16 - 25 قازان ارالىعىندا «كورمە» ورتالىعىندا وتۋدە.

جارمەڭكە وتاندىق كىلەم ساپاسى شەتەلدىك ونىمدەردەن كەم تۇسپەيتىندىگىن دالەلدەپ، حالىق اراسىندا تانىمالدىعىن ارتتىرۋدى ماقسات ەتكەن. وتاندىق ونىمدەرمەن قاتار، بەلگيا، تۇركيا، يران، رەسەي، وزبەكستان جانە مولدوۆا ەلدەرىنىڭ ونىمدەرى دە ۇسىنىلۋدا.

Bal Tekstil 2011 جىلدىڭ اياعىندا «وڭتۇستىك» اەا تىركەلىپ، 2013 جىلدىڭ قازان ايىندا ءوز ءونىمىن شىعارا باستادى. قازىرگى تاڭدا جىلىنا 5 ملن شارشى مەتر كىلەم جانە كىلەم ونىمدەرى مەن 4 000 توننا پوليپروپيلەندى ءجىپ ونىمدەرىن وندىرۋگە قاۋقارلى. 300-گە جۋىق ادامدى جۇمىسپەن قامتاماسىز ەتىپ وتىر.

كومپانيا 2000-عا جۋىق كىلەم ديزاينىن جاساپ، حالىقارالىق ساپا كونكۋرستارىنان جۇلدەلى ورىندار يەلەندى. فابريكا ونىمدەرى قازاقستاننىڭ بۇكىل وبلىستارىنىڭ قالا، اۋدان ورتالىقتارىندا حالىققا قولجەتىمدى باعامەن ساتىلۋدا.