29-30 قىركۇيەك كۇندەرى قالالىق حالىقتى جۇمىسپەن قامتۋ ورتالى، جاستار رەسۋرستىق ورتالىعىمەن بىرلەسە ۇيىمداستىرىلعان بوس جۇمىس ورىندارى جارمەڭكەسى شىمكەنت قالاسىنىڭ اباي، ءال-فارابي، ەڭبەكشى جانە قاراتاۋ اۋداندارىنداعى شالعاي ەلدى مەكەندەرىندە ءوتتى.

2000-نان استام بوس جۇمىس ورىندارىن ۇسىنعان جارمەڭكەدە 478 ادام تۇراقتى جۇمىسقا جولداما الدى.

- قالامىزدىڭ الىس ەلدىمەكەندەرىندە تۇراتىن تۇرعىندارعا ەكى كۇن بويى مەملەكەتتىك باعدارلامانىڭ تيىمدىلىگى مەن جۇمىسپەن قامتۋ شارالارىنا تارتۋ جونىندە ءتۇسىندىرىلدى. سونىمەن بىرگە، ءوز ماماندىعى بويىنشا جۇمىس ىزدەپ جۇرگەن جۇمىسسىز جاستاردى «العاشقى جۇمىس ورنى» جوباسىنا قاتىسۋعا شاقىرامىز. دەگەنمەن، جارمەڭكەگە كەلىپ ۇلگەرمەگەن ازاماتتار اۋداندىق قالالىق جۇمىسپەن قامتۋ ورتالىعىنىڭ بولىمشەلەرىنە بارىپ، مامانداردان كەڭەس الا الادى-دەيدى قالالىق جۇمىسپەن قامتۋ ورتالىعى ديرەكتورىنىڭ م.ا ب.ارقابايەۆ.

جالپى جىل باسىنان بەرى «ەڭبەك» مەملەكەتتىك باعدارلاماسى شەڭبەرىندە 19 مىڭنان استام شىمكەنتتىكتەر جۇمىسپەن قامتۋ شارالارىنا قاتىستى. ونىڭ ىشىندە 7 329 ادام بوس جۇمىس ورىندارىنا، 695 ادام جاڭا جۇمىس ورىندارىنا، 331 الەۋمەتتىك جۇمىس ورىندارىنا ، 2524 ادام جاستار پراكتيكاسىمەن، 2845 ادام قوعامدىق جۇمىسقا جانە 114 ادام «العاشقى جۇمىس ورىندارى» جوباسى بويىنشا جۇمىسقا جولداندى.