شىمكەنت قالاسى بويىنشا نۇر وتان پارتيالىق سايلاۋالدى باعدارلاماسى نەگىزىندە جاسالعان جول كارتاسىندا جاقسى جانە قاناعاتتانارلىق جاعدايداعى جولداردىڭ ۇلەسىن 2025 جىلعا دەيىن 80 پايىزعا جەتكىزۋ جوسپارى قويىلعان.
بيىل جول-قۇرىلىس جۇمىستارىمەن 311 شاقىرىمنان استام جول قامتىلدى. جىل سوڭىنا دەيىن اتالعان جولداردىڭ 270.3 شاقىرىمى پايدالانۋعا بەرىلىپ، قاناعاتتانارلىق جاعدايداعى جولدار ۇلەسى 63،6 پايىزعا جەتكىزىلەدى.
جالپى قالادا جول جانە كولىك ينفراقۇرىلىمى بويىنشا جۇمىستار قارقىندى تۇردە جۇرگىزىلۋدە. اتاپ ايتقاندا مەگاپوليستەگى 245 كوشەدە ورتاشا جانە كۇردەلى جوندەۋ جۇرگىزىلىپ جاتسا، بىلتىرعى جىلى 4 كوپىر پايدالانۋعا بەرىلدى. سونىمەن بىرگە وسى جىلى رىسقۇلوۆ-قونايەۆ جولايرىعى پايدالانۋعا بەرىلەدى. جاڭا 590 قوعامدىق كولىك ساتىپ الىندى جانە ەلەكتروندىق بيلەت جۇيەسى بارلىق اۆتوبۋستارعا ەنگىزىلدى.
ايتا كەتەيىك، قالاداعى كولىك جولدارىنىڭ جالپى ۇزىندىعى 3200 شاقىرىمنان اسادى. ءقازىر جاقسى جانە قاناعاتتانارلىق جاعدايداعى جولداردىڭ ۇلەسى 60 پايىز شاماسىندا. بۇل كورسەتكىش 2018 جىلى 53 پايىز بولاتىن. ءۇش جىل ىشىندە جول سالاسىندا 532 جوبانىڭ قۇرىلىس-جوندەۋ جۇمىستارى اتقارىلدى.
پىكىر قالدىرۋ