مەملەكەت باسشىسى قاسىم-جومارت توقايەۆتىڭ ۇسىنىسىمەن ق ر ۇكىمەتىنىڭ قاۋلىسىنا سايكەس 1 قازان راديو قىزمەتكەرلەرى كۇنى بولىپ بەكىتىلدى. ەلىمىزدە العاش رەت تويلانىپ وتىرعان جاڭا مەرەكە شىمكەنت قالاسىندا اتالىپ ءوتىلدى. مەملەكەت باسشىسى قاسىم-جومارت توقايەۆتىڭ ۇسىنىسىمەن ق ر ۇكىمەتىنىڭ قاۋلىسىنا سايكەس 1 قازان راديو قىزمەتكەرلەرى كۇنى بولىپ بەكىتىلدى. ەلىمىزدە العاش رەت تويلانىپ وتىرعان جاڭا مەرەكە شىمكەنت قالاسىندا اتالىپ ءوتىلدى. 

مەرەكەلىك جيىنعا شىمكەنت قالاسىنىڭ اكىمى مۇرات ايتەنوۆ،  «شالقار» راديوسىنىڭ بۇرىنعى باس-رەداكتورى، ق ر ەڭبەك سىڭىرگەن قايراتكەرى كوپەن امىربەك، «قازاق راديوسىنىڭ» بۇرىنعى باس ديرەكتورى، ق ر ەڭبەك سىڭىرگەن قايراتكەرى ماحات كابىر ۇلى، «شالقار» راديوسىنىڭ ديرەكتورى تولەپبەرگەن بولاتبەك، «قازاقستان» ۇلتتىق ارناسىنىڭ تەلەجۇرگىزۋشىسى - ءلايلا سۇلتان قىزى، «ۇزدىك راديوجۋرناليست» سىيلىعىنىڭ يەگەرى، قازىرگى «قازاقستان كۆن وداعىنىڭ» پرەزيدەنتى ەسەنتۇگەل ەلەۋكەن، تەلەجۇرگىزۋشى اسحات سادىرباي قاتىستى.

قالا اكىمى راديو قىزمەتكەرلەرىن مەرەكەلەرىمەن قۇتتىقتاپ،  ىزگى تىلەگىن جەتكىزدى.- راديو – يدەولوگيانىڭ ماڭىزدى قۇرالى. مىڭداعان تۇرعىندار جولدا ءجۇرىپ راديو جاڭالىقتارىن تىڭدايدى. حالىققا دۇرىس اقپارات جەتكىزۋدە، تۇرعىنداردىڭ سۇرانىستارىن بىلدىرۋدە جانە ازاماتتىق قوعاممەن بايلانىستى جاڭا دەڭگەيگە كوتەرۋدە سىزدەردىڭ ەڭبەكتەرىڭىز زور دەپ بىلەمىن. كاسىبي مەرەكەلەرىڭىزبەن قۇتتىقتاي وتىرىپ، سىزدەرگە شىعارماشىلىق تابىستار تىلەيمىن! - دەدى مۇرات ايتەنوۆ. 

سونداي-اق، شاھار باسشىسى تاۋەلسىزدىكتىڭ العاشقى جىلدارى ەلىمىزدە تەك 407 اقپارات قۇرالى، سونىڭ ىشىندە ەكى راديو بولسا، ءقازىر مەديا رەسۋرستاردىڭ سانى 4،5 مىڭنان اسقانىن، قازاقستان اۋماعىندا قىزمەت اتقاراتىن راديوستانسيالار سانى 79 بىرلىككە ۇلعايعانىن ايتىپ ءوتتى. قوناقتارعا شىمكەنتتىڭ سيمۆولىنا اينالعان قىزعالتاقتىڭ تۇقىمىن سىيعا تارتتى. 

بۇگىندە رەسپۋبليكانىڭ ءۇشىنشى مەگاپوليسىندە 2 راديوستانسيا جۇمىس ىستەيدى. ونىڭ ىشىندە 100 جىلدىق تاريحى بار «قازاق راديوسىنىڭ» فيليالى قىزمەت اتقارادى. رەسپۋبليكالىق راديونىڭ ترانسلياسياسى شىمكەنت قالاسىندا 1929 جىلدان باستاپ جۇرگىزىلسە، 1932 جىلى راديوحابارلار جۇيەلى تۇردە تاراتىلا باستادى. «قازاق راديوسىنىڭ» 100 جىلدىق مەرەيتويىنا وراي شىمكەنتتە قاراتاۋ اۋدانىنداعى ورتالىق كوشەگە «قازاق راديوسى» اتاۋى بەرىلدى.