جىل باسىندا پرەزيدەنت قاسىم-جومارت توقايەۆتىڭ تاپسىرماسىنا سايكەس ەلىمىزدە «اڭساعان ءسابي» الەۋمەتتىك باعدارلاماسىن ىسكە اسىرۋ باستالدى. ونىڭ ماقساتى – قوسالقى رەپرودۋكتيۆتىك تەحنولوگيالاردىڭ كومەگىمەن شيەلەنىسكەن وتباسىلىق-دەموگرافيالىق پروبلەمالاردى شەشۋ.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا، وسى رەپرودۋكتيۆتى تەحنولوگيانىڭ ناتيجەسىندە تيىمدىلىك 45-60 پايىزدى قۇرايدى. بۇل كورسەتكىش ءبىزدىڭ ەلىمىزدە ورتا ەسەپپەن 15% - دان 42% - عا دەيىن وسكەن. بالا تۋۋ فاكتىسى بويىنشا ەمدەۋ تيىمدىلىگىنىڭ كورسەتكىشى (take baby home) 30% دەڭگەيىندە. بۇل ەڭ جاقسى ەۋروپالىق كلينيكالاردىڭ كورسەتكىشىنە سايكەس كەلەدى.

قازاقستاندا وسى جىلدان باستاپ بولىنەتىن كۆوتالار سانى 7000-عا دەيىن ءوستى. بۇل كۆوتالاردى بەرۋ ايعاقتاردى كەڭەيتۋگە جانە ولاردى الۋ ءۇشىن كەزەكتى ەداۋىر قىسقارتۋعا مۇمكىندىك بەرەدى.

بۇگىنگى تاڭدا ەلىمىزدە بەدەۋلىكپەن ەسەپتە 11030 ايەل تۇر. ونىڭ ىشىندە شىمكەنتتە بەدەۋلىكپەن ەسەپتە 338 جۇپ تۇر. بۇل جونىندە قالالىق دەنساۋلىق ساقتاۋ باسقارماسىنىڭ باسشىسى ب.پوزيلوۆ باياندادى.

ونىڭ ايتۋىنشا، بيىل شىمكەنت قالاسىنا «اڭساعان ءسابي» باعدارلاماسى اياسىندا 403 كۆوتا ءبولىندى. ازىرگە 340 كۆوتا پايدالانىلعان. بيىلدان باستاپ ەكوعا بۇرىن جۇگىنبەگەن جانە جەكە مەديسينالىق ورتالىقتاردا باقىلاۋدا بولعان بەدەۋلىگى بار پاسيەنتتەردى بەلسەندى تۇردە انىقتاۋدا.

ەكۇ-عا دايىندىق جۇرگىزەتىن قالالىق پەريناتالدىق ورتالىقتىڭ كونسۋلتاتيۆتى-دياگنوستيكالىق بلوگى جەتەكشى مەديسينالىق ۇيىم رەتىندە بەكىتىلدى. وندا 2018 جىلدان باستاپ «بەدەۋلىك ماسەلەلەرى جونىندەگى كابينەت» جۇمىس ىستەيدى.

سونداي-اق، قرت ءۇشىن كۆوتالارعا كەزەكتىلىكتى ۇسىنۋدىڭ اشىقتىعىن جانە پاسيەنتتەردى كلينيكالارعا ۋاقتىلى جىبەرۋدى باقىلاۋدى قامتاماسىز ەتۋ، مونيتورينگ جۇرگىزۋ ماقساتىندا وڭىرلىك كوميسسيا قۇرىلىپ بەكىتىلگەن.