شىمكەنتتە بەدەۋلىكپەن ەسەپتە 338 جۇپ تۇر. ونىڭ ىشىندە 259 سەبەپ ايەلدىڭ دەنساۋلىعىنا، 56 سەبەپ ەردىڭ دەنساۋلىعىنا قاتىستى بولسا، 13 جۇپ دونورلىق باعدارلامادا تۇر. ولارعا 2019 جىلى – 50، 2020 جىلى – 64، ال بيىل «اڭساعان ءسابي» باعدارلاماسىنا سايكەس 403 كۆوتا ءبولىندى. جىل باسىنان بەرى ونىڭ 338ء-ى ءبولىندى.

شىمكەنت قالاسىنىڭ دەنساۋلىق ساقتاۋ باسقارماسىنىڭ مالىمەتىنە سايكەس، كۆوتا العان ايەلدەر ءوز قالاۋلارىنشا ەلىمىزدىڭ ءۇش مەگاپوليسىندە ورنالاسقان رەپرودۋكسيا ورتالىقتارىن تاڭداي الادى. ونىڭ ىشىندە 4 رەپرودۋكسيالىق ورتالىق شىمكەنتتە ورنالاسقان: «ەكومەد-شىمكەنت» ج ش س، «ەكو –شىمكەنت ورتالىعى» ج ش س 2 فيليالى، «دوكتور تاراراكا شىمكەنت ورتالىعى» ج ش س، «شىمكەنت رەپرودۋكتيۆتى مەديسينا ينستيتۋتى» ج ش س.

شىمكەنتتىك كلينيكالار بۇل باعىتتا ناجيجەلى جۇمىس ىستەۋدە. اتاپ ايتقاندا، ەكومەدكە 177 كۆوتا بولىنگەن، ونىڭ 22ء-سى جۇكتى، 120 – دايىندىقتا. ەكو–شىمكەنتكە 129 كۆوتا بولىنگەن، ونىڭ 40 – جۇكتى، 71-دايىندىقتا. دوكتور تاراراكا 25 كۆوتا، ونىڭ 4 - جۇكتى، 7- دايىندىقتا. الماتى قالاسىنداعى «پەرسونى» كلينيكاسىنا 4 كۆوتا، ونىڭ 1-دايىندىقتا. نۇر-سۇلتان قالاسىنداعى «ننسمد» - 1 كۆوتا، ءقازىر جۇكتى. «مەديننوۆاسيا-استانا» كلينيكاسىنا 2 كۆوتا، ونىڭ 1 – جۇكتى.