قازاقستان رەسپۋبليكاسى پرەزيدەنتى قاسىم-جومارت توقايەۆتىڭ تاپسىرماسىنا سايكەس، شىمكەنتتە اشىلعان «شاڭىراق» وتباسى ينستيتۋتىن قولداۋ ورتالىعى جىل باسىنان بەرى 10 مىڭعا جۋىق تۇرعىنعا قىزمەت كورسەتكەن.

ورتالىق وسى ۋاقىت ىشىندە 4893 وفلاين، 5092 ونلاين تۇردە جەكە كەڭەستەر بەرىپ، مۇقتاجدىقتارى بويىنشا سۇراقتارىنا جاۋاپ بەرگەن. ال، 405 ازاماتقا پسيحولوگتىڭ جەكە كەڭەسى بەرىلسە، 187 مۇقتاج وتباسىلارعا قۇقىقتىق كەڭەس بەرىلگەن. ءتۇرلى دەڭگەيدەگى 266 كۋرس ساباعى وتكەن.

ورتالىقتىڭ باستى ماقساتى - از قامتاماسىز ەتىلگەن وتباسىلارعا جانە كوپ بالالى انالارعا كاسىپكەرلىك جونىندە باعىت-باعدار بەرۋ، قىسقا مەرزىمدى كۋرستارعا جىبەرۋ، جۇمىسقا بەيىمدەۋ، قارجىلىق ساۋاتتىلىعىن ارتتىرۋ.

سونىمەن قاتار، كەلۋشىلەرگە اقپاراتتىق قولداۋ، پسيحولوگيالىق، قۇقىقتىق كەڭەس بەرۋ، اتاۋلى الەۋمەتتىك كومەككە قۇجات تاپسىرۋ، تۇرعىن ءۇي كەزەگىنە تۇرۋ، ەqov.kz پورتالىنان قىزمەتتەرىن الۋ ماسەلەلەرى بويىنشا كومەكتەر ۇسىنىلادى.