الماتى اكىمى باقىتجان ساعىنتايەۆ ءوزىنىڭ Instagram-داعى جەكە پاراقشاسىندا قوعامدىق كەڭىستىكتى رەتكە كەلتىرۋ بويىنشا كەشەندى جۇمىستار تۋرالى ايتتى.
ب. ساعىنتايەۆتىڭ ايتۋىنشا، قالانىڭ ورتالىق اۋداندارىندا بۇرىننان بار سكۆەر مەن الاڭداردى جوندەپ، رەتكە كەلتىرسەك، شەتكى اۋماقتاردا بوس ءارى قاراۋسىز قالعان ۋچاسكەلەردە بالالاردىڭ ويىن جانە سپورت كەشەندەرىن ورناتۋدامىز.
«بۇل "بيۋدجەتكە قاتىسۋ" جوباسىنا قاتىسىپ، بەلسەندىلىك تانىتقان قالا تۇرعىندارىنىڭ ارقاسى»، – دەپ اتاپ ءوتتى مەگاپوليس اكىمى.
مىسالى، بيىل ناۋرىزباي اۋدانىندا وسىنداي 32، الاتاۋ اۋدانىندا – 31، تۇركسىبتە – 18 الاڭ ورناتىلادى. اۋەزوۆ اۋدانىندا – 21، جەتىسۋدا – 18، مەدەۋ مەن بوستاندىق اۋداندارىندا 8 جوبا جۇزەگە اسىرىلۋدا. المالى اۋدانىندا بوس جاتقان 5 ۋچاسكە اباتتاندىرىلىپ، يتتەردى سەرۋەندەتۋگە ارنالعان 3 الاڭ ۇيىمداستىرىلدى.
بالالار مەن جاسوسپىرىمدەردىڭ ەركىن ويناپ، اعا بۋىن وكىلدەرىنىڭ تىنىش ءارى جايلى دەمالىسىنا جايلى ورىندى شاعىن ۋچاسكەلەردىڭ تۇرعىندارى وزدەرى تاڭدايدى. سوندىقتان مۇنداي ايماقتاردىڭ قادامدىق قولجەتىمدىلىگى ماڭىزدى. ايتا كەتەيىك، بارلىق اۋدانداردا كۇرەس، بوكس، فۋتبول ۇيىرمەلەرى اشىلادى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ