ەكى مارتە مينيستر، ءماجىلىس دەپۋتاتى، اكىم بولعان مەملەكەت قايراتكەرى تەمىرحان دوسمۇحامبەتوۆ ومىردەن ءوتتى. بۇل تۋرالى اككرەديتاسيا جانە رەيتينگ تاۋەلسىز اگەنتتىگىنىڭ ۇجىمى حابارلادى. تەمىرحان دوسمۇحامبەتوۆ اگەنتتىك ۇلتتىق كەڭەسىنىڭ ءتوراعاسى بولعان.

تەمىرحان دوسمۇحامبەتوۆ 1949 جىلى قوستاناي وبلىسىندا دۇنيەگە كەلدى. 1972 جىلى قازاق مەملەكەتتىك دەنە شىنىقتىرۋ ينستيتۋتىن ءبىتىردى، 1995 جىلى ءال-فارابي اتىنداعى قازاق ۇلتتىق ۋنيۆەرسيتەتىن ءبىتىردى.

ينستيتۋتتى اياقتاعان سوڭ، كەڭەس اسكەرى قاتارىندا اسكەري قىزمەت اتقارعان..

1973-1985 ج.ج. – كيروۆ اتىنداعى قىزىل تۋ وردەنى قازاق مەملەكەتتىڭ ۋنيۆەرسيتەتىنىڭ دەنە شىنىقتىرۋ جانە سپورت كافەدراسى عزج ءبولىمى وقىتۋشى، اسسيستەنت، اعا وقىتۋشى تەحنيكالىق ءبولىمنىڭ مەڭگەرۋشىسى، 1985-1991 ج.ج. – «ەڭبەك رەزەرۆتەرى» قازاق رەسپۋبليكالىق بەسق كەنەس ءتوراعاسىنىڭ ورىنباسارى، ءتوراعاسى، 1991-1996 ج.ج. – تۋريزم جونىندەگى «ياسساۋي» مەملەكەتتىك اكسيونەرلىك كومپانياسىنىڭ پرەزيدەنتى، 1996-1997 ج.ج. – قازاقستان رەسپۋبليكاسىنىڭ جاستار ءىسى، تۋريزم جانە سپورت ءمينيسترى، 1997-1998 ج.ج. – تۋريزم جانە سپورت جونىندەگى كوميتەتىنىڭ ءتوراعاسى، 1998-2003 ج.ج. – قازاقستان رەسپۋبليكاسى پرەزيدەنتiءنىڭ Iس باسقارۋشىسى، 2003-2004 ج.ج. – استانا قالاسىنىڭ اكىمى، 2004-2006 ج.ج. – قازاقستان رەسپۋبليكاسى پرەزيدەنتiءنىڭ Iس باسقارۋشىسى قىزمەتتەرىن اتقارعان.

2006-2011 جىلدارى سپورت جانە تۋريزم ءمينيسترى بولعان. بەسىنشى شاقىرىلىمدا سايلانعان ءماجىلىس دەپۋتاتى بولعان.

سوڭعى جىلدارى الماتى وبلىسىنداعى اگورونەركاسىپكەشەنى سالاسىنداعى ءىرى حولدينگ "بايسەركە اگرو"-عا جەتەكشىلىك ەتكەن.