«تۋعان ەلگە تاعزىم» ولكەتانۋ-زەرتتەۋ ەكسپەديسياسى – زياتكەرلىك مەكتەپتەردىڭ پاتريوتتىق تاربيە بەرۋدە ماڭىزى زور ءداستۇرلى جوبا. جىل سايىن NISء-تىڭ ۇزدىك وقۋشىلارىنان قۇرالعان ەكسپەديسيالىق توپ ەلىمىزدىڭ ءتۇرلى ايماقتارىنا ساياحاتتاپ، سول جەردىڭ تابيعاتىن، مادەنيەتىن، تاريحي ەسكەرتكىشتەرى مەن ارحيتەكتۋرالىق نىساندارعا زەرتتەۋ جۇرگىزىپ، عىلىمي جاڭالىقتار اشۋعا داعدىلانادى.

ەكسپەديسيا اياسىندا شىمكەنت قالاسى حيميا-بيولوگيا باعىتىنداعى نازاربايەۆ زياتكەرلىك مەكتەبىنىڭ وقۋشىلارى تۇركىستان وبلىسى جانە شىمكەنت قالاسى تاريحىمەن تانىسۋعا ارنالعان تانىمدىق ەكسكۋرسياعا شىقتى.

جاس ولكەتانۋشىلار ەكسپەديسيا مارشرۋتى بويىنشا العاشقى كۇنى ولكەنىڭ كونە مادەني مەكەمەلەرىنىڭ ءبىرى بولىپ تابىلاتىن تاريحي-ولكەتانۋ مۇراجايى مەن «ادەت-عۇرىپ، سالت داستۇرلەر» ورتالىعىنا باردى. مۇراجاي جەتەكشىلەرى تاريحي جادىگەرلەر جايىنداعى دەرەكتەرمەن تەرەڭىرەك ءبولىستى.

ارى قاراي زياتكەرلەر اسانباي اسقاروۆ اتىنداعى شىمكەنت مەملەكەتتىك دەندرولوگيالىق ساياباعىن ارالادى.

سونداي-اق شىمكەنت قالاسىنداعى ءوندىرىس ورنى – وتاندىق فارماسيەۆتيكا سالاسىنىڭ كوشباسشىسى، 135 جىلدىق تاريحى بار «حيمفارم» اق فارماسيەۆتيكالىق كومپانياسىمەن تانىستى.

ايتا كەتەيىك، جوبا اياسىندا 1-5 قاراشا ارالىعىندا شىمكەنتتىك زياتكەرلەر تۇركىستان وبلىسىنىڭ تاريحي، مادەني جانە يننوۆاسيالىق دامۋىن تەرەڭىرەك زەرتتەپ، «عايىپ ەرەن قىرىق شىلتەن» مادەني ورنىنا، «سيتادەل» قالاشىعىنا، «بورتە ميلكا» ج ش س ءسۇت زاۋىتىنا، قاجىمۇقان مۇڭايتپاس ۇلى اتىنداعى وبلىستىق سپورت مۇراجايىنا، «وتىرار توبە» قالاشىعى مەن قوجا احمەت ياسساۋي (ازىرەت سۇلتان) كەسەنەسى، شىعىس مونشاسى تاريحىمەن تانىسادى.