ءۇشىنشى مەگاپوليس اتانعان شىمكەنتتە قوعامدىق باعىتتاعى اۆتوبۋستار حالىققا كوندۋكتورسىز قىزمەت كورسەتۋدى باستادى. بۇل جۇيە الەمدە جانە ەلىمىزدىڭ نۇر-سۇلتان، الماتى سەكىلدى مەگاپوليستەرىندە ىسكە اسقان.
قازىرگى ۋاقىتتا قالامىزداعى «ت-باس» تاسىمالداۋشى كومپانياسىنا تيەسىلى №18 مارشرۋت سىناما جوبا رەتىندە پيلوتتىق رەجيمدە كوندۋكتورسىز قىزمەت كورسەتۋدە. دەمەك اۆتوبۋسقا مىنگەن ءاربىر ازامات ءوزى ەلەكتروندى تۇردە جولاقىسىن تولەيدى. ياعني، قوعامدىق كولىككە مىنگەن جولاۋشىلار جولاقىنى ادەتتەگىدەي «تولەم» كارتاسى، sms كود جانە QR كود ارقىلى تولەي الادى. ءبىراق جول ءجۇرۋ اقىسىن جينايتىن ادامنىڭ (كوندۋكتور) كومەگىنسىز، ءوزى جاسايدى. اۆتوبۋستاعى جولاۋشىلاردىڭ جول اقىسىن تولەگەن نەمەسە تولەمەگەنىن، ەگەر قولما-قول تولەم جاساعان جاعدايدا بيلەت الۋىن جوبا بويىنشا ايالداما بويىندا ريەۆيزورلى باقىلاۋشى ماماندار تەكسەرىپ وتىرادى.
پيلوتتىق جوبانىڭ ماقساتى - اشىقتىقتى قامتاماسىز ەتۋ، جۇرگىزۋشىنىڭ جالاقىسىن كوتەرۋ، تۇرعىندارعا ساپالى قىزمەت كورسەتۋ، جولاقى تولەمىن اۆتوماتتاندىرۋ، جالپى العاندا قوعامدىق كولىكتەردە مادەنيەتتىلىكتى قالىپتاستىرۋ.
ايتا كەتەيىك، جول اقىسىن تولەۋدى اۆتوماتتى ەسەپكە الۋ جۇيەسى، ياعني «تولەم» ەنگىزىلگەن ۋاقىتتا كوندۋكتورلاردىڭ قىزمەتىنسىز جۇمىس جاساۋ باسقارما نازارىندا بولدى. ءبىراق قالامىزداعى حالىقتىڭ احۋالى(مەنتاليتەت) كوتەرمەگەندىكتەن جانە بۇل جوبانى ەنگىزىپ وتىرعان ينۆەستورلار قولداماۋى سەبەپتى كوندۋكتورلار قىزمەت كورسەتۋىن جالعاستىرعان بولاتىن.
شىمكەنت قالاسى جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە، كەلەر جىلى جوسپار بويىنشا بارلىق باعىتتار بويىنشا كوندۋكتورلار الىپ تاستاۋ جوسپاردا بار.
شىمكەنت قالاسىنىڭ اقپاراتتىق-كوممۋنيكاسيالىق ورتالىعى
پىكىر قالدىرۋ